Semeide qala ákimi tuńǵysh ret sailaý arqyly tańdalady

Semeide qala ákimi tuńǵysh ret sailaý arqyly tańdalady. Ákim sailaýyna túsetin tórt úmitkerdiń esimi belgili boldy, dep habarlaidy Dalanews.kz.

Bul týraly qalalyq aýmaqtyq sailaý komissiiasy málimdedi. Sailaýǵa qatysatyn kandidattardyń bári ózin-ózi usynǵan. Tizimge engen azamattar túrli salada qyzmet atqaryp júr nemese qyzmetten ýaqytsha bos júrgen adamdar.

Tirkelgen kandidattar:

1. Shapatov Qanat Muratuly – Balalar men jastardyń shyǵarmashylyq saraiynyń direktory. 1971 jyly týǵan, qazir Semei qalasynda turady.
2. Tóleýov Qanysh Maqsutuly – Geodeziia, kartografiia jáne qurylys joǵary kolledjiniń direktory. 1972 jyly týǵan, Semei qalasynyń turǵyny.
3. Bekjasarov Aibolat Qaiyrkeshuly – qazirgi tańda ýaqytsha jumyssyz. 1963 jyly týǵan, Semei qalasynda turady.
4. Qojanbaev Ádilet Nursaǵatuly – Kókpekti aýdanynyń qazirgi ákimi. 1980 jyly týǵan, Kókpekti aýylynda turady.