سەمەيدە قالا اكىمى تۇڭعىش رەت سايلاۋ ارقىلى تاڭدالادى. اكىم سايلاۋىنا تۇسەتىن ءتورت ۇمىتكەردىڭ ەسىمى بەلگىلى بولدى، دەپ حابارلايدى Dalanews.kz.
بۇل تۋرالى قالالىق اۋماقتىق سايلاۋ كوميسسياسى مالىمدەدى. سايلاۋعا قاتىساتىن كانديداتتاردىڭ ءبارى ءوزىن-وزى ۇسىنعان. تىزىمگە ەنگەن ازاماتتار ءتۇرلى سالادا قىزمەت اتقارىپ ءجۇر نەمەسە قىزمەتتەن ۋاقىتشا بوس جۇرگەن ادامدار.
تىركەلگەن كانديداتتار:
- شاپاتوۆ قانات مۇرات ۇلى – بالالار مەن جاستاردىڭ شىعارماشىلىق سارايىنىڭ ديرەكتورى. 1971 جىلى تۋعان، ءقازىر سەمەي قالاسىندا تۇرادى.
- تولەۋوۆ قانىش ماقسۇت ۇلى – گەودەزيا، كارتوگرافيا جانە قۇرىلىس جوعارى كوللەدجىنىڭ ديرەكتورى. 1972 جىلى تۋعان، سەمەي قالاسىنىڭ تۇرعىنى.
- بەكجاساروۆ ايبولات قايىركەش ۇلى – قازىرگى تاڭدا ۋاقىتشا جۇمىسسىز. 1963 جىلى تۋعان، سەمەي قالاسىندا تۇرادى.
- قوجانبايەۆ ادىلەت نۇرساعات ۇلى – كوكپەكتى اۋدانىنىڭ قازىرگى اكىمى. 1980 جىلى تۋعان، كوكپەكتى اۋىلىندا تۇرادى.
