Buryn Qairat Satybaldyǵa tiesili bolǵan Almatydaǵy «Baisat» kóterme-saýda ortalyǵynyń úlesi ashyq elektrondy saýdaǵa shyǵaryldy. Bul týraly Qaitarylǵan aktivterdi basqarý kompaniiasy málimdedi, dep habarlaidy Dalanews.kz.
Aýktsion qashan ótedi?
Saýda 2025 jyldyń 18 qarashasynda saǵat 10:00-de ótedi. Bastapqy quny – 28,6 mlrd teńge.
Kompaniianyń málimetinshe, aýktsion tolyq ashyqtyq pen ádil básekelestik qaǵidalaryna sáikes júrgiziledi. Barlyq qatysý sharttary E-Qazyna resmi portalynda qoljetimdi. Saýdadan túsken qarajat arnaiy memlekettik qorǵa aýdarylyp, áleýmettik mańyzy bar jobalarǵa jumsalady.
Sot sheshimi
Aita ketsek, 2024 jyldyń qańtarynda Almaty qalasynyń mamandandyrylǵan aýdanaralyq ekonomikalyq soty «Baisat» bazaryna qatysty barlyq mámileni zańsyz dep tanyǵan edi.
Sotta keshenniń zańsyz satylǵany anyqtaldy. Aýmaǵy 4,2 myń sharshy metrden asatyn úsh nysan men 1,4 gektar jer ýchaskesi «KazGerStroi» birlesken kásiporny jáne «Astana Financial Group» JShS-ne tiesili bolǵan. Bul kompaniialardyń ekeýi de Qairat Satybaldynyń ulymen bailanysy bar ekeni belgili bolǵan.
