Almaty oblysynda Panfılov aýyldyq okrýginiń ákimi Dýlat Dáýletálıev jol apatyna tústi, dep habarlaıdy Dalanews.kz.
Buǵan deıin bizdiń redaksıamyzǵa Narynqol tasjolynda jol apaty bolǵany týraly aqparat tústi. Ondaǵy aqparat boıynsha, kólikte Panfılov aýyldyq okrýginiń ákimi Dýlat Dáýletálıev otyrǵan.
"Kóliktegi adamdar ań aýlaýǵa shyqqan. Bireýi qaıtys bolǵan, úsheýi aýrýhanada", - delingen Dalanews redaksıasyna túsken aqparatta.
Búgin Dalanews.kz tilshileri Dýlat Dáýletálıev Almaty oblystyq klınıkalyq aýrýhanasyna aýystyrylǵanyn anyqtady. Jaǵdaıy dınamıkada jaqsarǵan. Barlyq medısınalyq kómek kórsetilgen.
"Búgin jaǵdaıy rettelgen soń oblystyq aýrýhanaǵa jiberdik. Jalpy jol apatynan úsh adam zardap shekken. Taǵy bir adam sol kúni oqıǵa ornynda qaıtys bolǵan. Taǵy bir adam aýrýhanaǵa túsken soń tórtinshi kúni qaıtys boldy. Ol kisige sol kúni neırohırýrg shaqyrtyp, operasıa jasaǵan bolatynbyz. Biraq jaraqaty aýyr boldy", - deıdi Raıymbek aýdandyq aýrýhanasynyń dırektory Rýslan Kókkózov.
Sonymen qatar, ol ákimniń qazirgi jaǵdaıy týraly aıtty.
"Ol kisiniń de jaraqattary da aýyr boldy. Bastapqyda Narynqoldaǵy aýrýhanada jatty. Qazirgi ýaqytta oblysqa jiberildi", - deıdi Rýslan Kókkózov.
