پانفيلوۆ اۋىلىنىڭ ەكٸمٸ جول اپاتىنا تٷسٸپ, اۋىر جاراقاتتار العان

الماتى وبلىسىندا پانفيلوۆ اۋىلدىق وكرۋگٸنٸڭ ەكٸمٸ دۋلات دەۋلەتەليەۆ جول اپاتىنا تٷستٸ, دەپ حابارلايدى Dalanews.kz.

بۇعان دەيٸن بٸزدٸڭ رەداكتسييامىزعا نارىنقول تاسجولىندا جول اپاتى بولعانى تۋرالى اقپارات تٷستٸ. ونداعى اقپارات بويىنشا, كٶلٸكتە پانفيلوۆ اۋىلدىق وكرۋگٸنٸڭ ەكٸمٸ دۋلات دەۋلەتەليەۆ وتىرعان. 

"كٶلٸكتەگٸ ادامدار اڭ اۋلاۋعا شىققان. بٸرەۋٸ قايتىس بولعان, ٷشەۋٸ اۋرۋحانادا", - دەلٸنگەن Dalanews رەداكتسيياسىنا تٷسكەن اقپاراتتا. 

بٷگٸن Dalanews.kz تٸلشٸلەرٸ دۋلات دەۋلەتەليەۆ الماتى وبلىستىق كلينيكالىق اۋرۋحاناسىنا اۋىستىرىلعانىن انىقتادى. جاعدايى ديناميكادا جاقسارعان. بارلىق مەديتسينالىق كٶمەك كٶرسەتٸلگەن. 

"بٷگٸن جاعدايى رەتتەلگەن سوڭ وبلىستىق اۋرۋحاناعا جٸبەردٸك. جالپى جول اپاتىنان ٷش ادام زارداپ شەككەن. تاعى بٸر ادام سول كٷنٸ وقيعا ورنىندا قايتىس بولعان. تاعى بٸر ادام اۋرۋحاناعا تٷسكەن سوڭ تٶرتٸنشٸ كٷنٸ قايتىس بولدى. ول كٸسٸگە سول كٷنٸ نەيروحيرۋرگ شاقىرتىپ, وپەراتسييا جاساعان بولاتىنبىز. بٸراق جاراقاتى اۋىر بولدى", - دەيدٸ رايىمبەك اۋداندىق اۋرۋحاناسىنىڭ ديرەكتورى رۋسلان كٶككٶزوۆ. 

سونىمەن قاتار, ول ەكٸمنٸڭ قازٸرگٸ جاعدايى تۋرالى ايتتى. 

"ول كٸسٸنٸڭ دە جاراقاتتارى دا اۋىر بولدى. باستاپقىدا نارىنقولداعى اۋرۋحانادا جاتتى. قازٸرگٸ ۋاقىتتا وبلىسقا جٸبەرٸلدٸ", - دەيدٸ رۋسلان كٶككٶزوۆ.