Prezıdent joldaýynda aldaǵy úsh jylda Qazaqstan tolyqqandy sıfrlyq memleketke aınalýy tıis ekenin atap ótti.
«Biz jappaı sıfrlandyrý jáne jasandy ıntellekt tehnologıasyn barynsha engizý arqyly ekonomıkany jańǵyrtýymyz qajet. Ol úshin, eń aldymen, Sıfrlyq kodeksti tezirek qabyldaǵan jón.
Bul zańda sıfrlandyrý úderisiniń negizgi baǵyttary, sonyń ishinde jasandy ıntellekt, platformalyq ekonomıka, úlken derekqorlardy paıdalaný jáne basqa da máseleler aıqyndalýǵa tıis.
Jańa tehnologıalyq qalyptyń ajyramas bóligine aınalý úshin búkil memlekettik basqarý júıesin qaıta quryp, onyń azamattar múddesine saı bolýyn qamtamasyz etý, sondaı-aq, ashyqtyǵy men tıimdiligin eselep arttyrý kerek. Sondyqtan qazirgi quzyrly mınıstrliktiń negizinde Jasandy ıntellekt jáne sıfrlyq damý mınıstrligin qurý qajet dep sanaımyn. Jańa mınıstrlikti Premer-mınıstrdiń orynbasary deńgeıindegi maman basqarýy kerek.
Úkimet ekonomıkanyń barlyq salasyn jańǵyrtý úshin jappaı jasandy ıntellektini engizý qajet. Qazaqstandy básekege qabiletti el retinde damytamyz desek, jumysymyzdy jańasha tásilmen júrgizýimiz kerek», deıdi prezıdent.
