Memleket basshysynyń pikirinshe, álemde jańa geosaiasi tártip ornyǵa bastaǵan, dep habarlaidy Dalanews.kz.
"Qazir dúnie júzi jańa tarihi dáýirge qadam basty. Bul dáýirdiń barsha adamzat úshin ońai bolmaityny anyq. Alpaýyt elder men halyqaralyq odaqtar arasyndaǵy qarama-qaishylyqtardyń aýqymy ósip bara jatyr. Halyqaralyq qatynastaǵy shielenister men ozbyrlyqtyń saldarynan qaqtyǵystar men soǵystar beleń aldy. Keibir memleketterdiń ishki jáne syrtqy saiasatynda ásire ultshyldyq kúsheidi. Álem ekonomikasynda teńsizdikter men qaishylyqtar ýshyǵa tústi. Keibir memleketter ekonomikalyq damýda artta qalyp, keibir elder jasandy intellekt salasynda teńdessiz tabysqa jetýde. Halyqaralyq quqyqtyń mán-mańyzy kete bastady. Al Birikken Ulttar Uiymy óziniń róli men mártebesine sai qazirgi basty túitkilderdi sheshýge qaýqarsyz bolýda. Ekologiialyq jáne tehnogendik apattardyń kesirinen túrli elderdiń ekonomikasy orasan shyǵynǵa batýda. Batystaǵy etnosaralyq-dinaralyq úilesim men mádeni áralýandyq tujyrymdamasy daǵdarysqa ushyrady. Jahandyq destrýktivti kúshter ulttyq mádenietter men dástúrlerdiń irgesin shaiqaýda. Bosqyndardyń sany kóbeiip, kóshi-qon daǵdarysy týyndady. Adam saýdasy, qarý-jaraq pen esirtki saýdasy da órship tur. Buryn-sońdy bolmaǵan múlde jańa syn-qaterler kúlli adamzattyń qaýipsizdigine nuqsan keltirýde. Tipti, jasandy intellektini paidalanyp, asa qaýipti qarý jasaityndar paida boldy. Geosaiasi ahýaldyń túbirimen ózgere bastaǵanyn ańǵartatyn basqa da faktorlar az emes. Qysqasha aitsaq, álemde jańa geosaiasi tártip ornyǵa bastady", - dedi Prezident joldaýynda.
