مەملەكەت باسشىسىنىڭ پٸكٸرٸنشە, ەلەمدە جاڭا گەوساياسي تەرتٸپ ورنىعا باستاعان, دەپ حابارلايدى Dalanews.kz.
"قازٸر دٷنيە جٷزٸ جاڭا تاريحي دەۋٸرگە قادام باستى. بۇل دەۋٸردٸڭ بارشا ادامزات ٷشٸن وڭاي بولمايتىنى انىق. الپاۋىت ەلدەر مەن حالىقارالىق وداقتار اراسىنداعى قاراما-قايشىلىقتاردىڭ اۋقىمى ٶسٸپ بارا جاتىر. حالىقارالىق قاتىناستاعى شيەلەنٸستەر مەن وزبىرلىقتىڭ سالدارىنان قاقتىعىستار مەن سوعىستار بەلەڭ الدى. كەيبٸر مەملەكەتتەردٸڭ ٸشكٸ جەنە سىرتقى ساياساتىندا ەسٸرە ۇلتشىلدىق كٷشەيدٸ. ەلەم ەكونوميكاسىندا تەڭسٸزدٸكتەر مەن قايشىلىقتار ۋشىعا تٷستٸ. كەيبٸر مەملەكەتتەر ەكونوميكالىق دامۋدا ارتتا قالىپ, كەيبٸر ەلدەر جاساندى ينتەللەكت سالاسىندا تەڭدەسسٸز تابىسقا جەتۋدە. حالىقارالىق قۇقىقتىڭ مەن-ماڭىزى كەتە باستادى. ال بٸرٸككەن ۇلتتار ۇيىمى ٶزٸنٸڭ رٶلٸ مەن مەرتەبەسٸنە ساي قازٸرگٸ باستى تٷيتكٸلدەردٸ شەشۋگە قاۋقارسىز بولۋدا. ەكولوگييالىق جەنە تەحنوگەندٸك اپاتتاردىڭ كەسٸرٸنەن تٷرلٸ ەلدەردٸڭ ەكونوميكاسى وراسان شىعىنعا باتۋدا. باتىستاعى ەتنوسارالىق-دٸنارالىق ٷيلەسٸم مەن مەدەني ەرالۋاندىق تۇجىرىمداماسى داعدارىسقا ۇشىرادى. جاھاندىق دەسترۋكتيۆتٸ كٷشتەر ۇلتتىق مەدەنيەتتەر مەن دەستٷرلەردٸڭ ٸرگەسٸن شايقاۋدا. بوسقىنداردىڭ سانى كٶبەيٸپ, كٶشٸ-قون داعدارىسى تۋىندادى. ادام ساۋداسى, قارۋ-جاراق پەن ەسٸرتكٸ ساۋداسى دا ٶرشٸپ تۇر. بۇرىن-سوڭدى بولماعان مٷلدە جاڭا سىن-قاتەرلەر كٷللٸ ادامزاتتىڭ قاۋٸپسٸزدٸگٸنە نۇقسان كەلتٸرۋدە. تٸپتٸ, جاساندى ينتەللەكتٸنٸ پايدالانىپ, اسا قاۋٸپتٸ قارۋ جاسايتىندار پايدا بولدى. گەوساياسي احۋالدىڭ تٷبٸرٸمەن ٶزگەرە باستاعانىن اڭعارتاتىن باسقا دا فاكتورلار از ەمەس. قىسقاشا ايتساق, ەلەمدە جاڭا گەوساياسي تەرتٸپ ورنىعا باستادى", - دەدٸ پرەزيدەنت جولداۋىندا.
