Prezident jańa ministrlik qurýdy tapsyrdy, dep habarlaidy Dalanews.kz.
Prezident joldaýynda aldaǵy úsh jylda Qazaqstan tolyqqandy tsifrlyq memleketke ainalýy tiis ekenin atap ótti.
«Biz jappai tsifrlandyrý jáne jasandy intellekt tehnologiiasyn barynsha engizý arqyly ekonomikany jańǵyrtýymyz qajet. Ol úshin, eń aldymen, Tsifrlyq kodeksti tezirek qabyldaǵan jón.
Bul zańda tsifrlandyrý úderisiniń negizgi baǵyttary, sonyń ishinde jasandy intellekt, platformalyq ekonomika, úlken derekqorlardy paidalaný jáne basqa da máseleler aiqyndalýǵa tiis.
Jańa tehnologiialyq qalyptyń ajyramas bóligine ainalý úshin búkil memlekettik basqarý júiesin qaita quryp, onyń azamattar múddesine sai bolýyn qamtamasyz etý, sondai-aq, ashyqtyǵy men tiimdiligin eselep arttyrý kerek. Sondyqtan qazirgi quzyrly ministrliktiń negizinde Jasandy intellekt jáne tsifrlyq damý ministrligin qurý qajet dep sanaimyn. Jańa ministrlikti Premer-ministrdiń orynbasary deńgeiindegi maman basqarýy kerek.
Úkimet ekonomikanyń barlyq salasyn jańǵyrtý úshin jappai jasandy intellektini engizý qajet. Qazaqstandy básekege qabiletti el retinde damytamyz desek, jumysymyzdy jańasha tásilmen júrgizýimiz kerek», deidi prezident.
