Qasym-Jomart Toqaev turǵyn úi-kommýnaldyq sharýashylyǵy salasyna jańa ekologiialyq jáne sanitarlyq-gigienalyq erejeler engizý kerek ekenin aitty, dep habarlaidy Dalanews.kz.
"Turǵyn úi-kommýnaldyq sharýashylyǵy salasyn únemshil bolýǵa yntalandyratyn jańa ekologiialyq jáne sanitarlyq-gigienalyq erejeler engizý kerek. Tabiǵi resýrstardy, ásirese, sýdy únemdeý mádenietine kelsek, ol jaǵynan úlken kemshilik bar ekenin moiyndaýymyz qajet. Iaǵni atqarylatyn jumys shash etekten.
Bul – azamattardyń, ásirese jastardyń arasyndaǵy túsindirý sharalarynyń, tipti ideologiia jumysynyń jeke bir baǵyty. Biz qazirdiń ózinde sýdyń tapshylyǵyn sezinip otyrmyz. Al, ony tutyný mádenieti tómen. Sý máselesine keiinirek toqtalamyn. Sońǵy jyldary qarqyndy damyp kele jatqan turǵyn-úi qurylysy salasyna airyqsha nazar aýdarǵan jón. Byltyr 19 million sharshy metr baspana paidalanýǵa berildi. Sonymen birge, qurylys sapasyn arttyrý úshin jasandy intellekt tehnologiialarynyń (Building Information Modeling, BIM) kómegimen ǵimarattardy aqparattyq modeldeý ádisin keńinen qoldaný kerek. Úkimet qurylystyń barlyq kezeńderin tolyq esepke alýdy, josparlaýdy, oǵan monitoring júrgizýdi qamtamasyz etetin ulttyq tsifrlyq platformany iske qosý qajet. Al jańa Qurylys kodeksi osy salanyń qaýipsiz ári ashyq bolýyna jáne turaqty damýyna jol ashatyn berik zańnamalyq negizge ainalýǵa tiis. Qujatty jyl sońyna deiin qabyldaý kerek. Depýtattardyń bul jumysqa atsalysýyn suraimyn", - dedi Toqaev.
