Eýropalyq odaq Reseige qarsy sanktsiialardyń 19-shy paketin daiyndaýda, onda da úshinshi elder arqyly taýarlardy qaita eksporttaýǵa tyiym salynbaq. Bul týraly Politico basylymy jazady. Ondaǵy derekke súiensek, bul shara sanktsiiany ainalyp ótý joldarymen kúresýge jáne tikelei EO-dan emes, deldaldar arqyly júrgiziletin jetkizilimderge degen baqylaýdy kúsheitýge baǵyttalǵan, dep habarlaidy Dalanews.kz.
Eýropalyq odaq Ortalyq Aziia elderi arqyly Reseige parallel júretin import kóleminiń ósimine bailanysty birneshe ret alańdaýshylyq bildirgen bolatyn. Atap aitqanda, Eýrokomissiianyń málimetinshe, Qazaqstannan Reseige baǵyttalǵan eksport kólemi 2023 jyly 2021 jylmen salystyrǵanda shamamen 30%-ǵa ósken. Resei Federatsiiasyna qazaqstandyq deldaldar arqyly eýropalyq avtomobilder, elektronika jáne ónerkásip jabdyqtary tasymaldarynyń erekshe ósimi baiqalady.
QR Ulttyq statistika biýrosynyń derekteri boiynsha, 2023 jyly Qazaqstannyń Reseige baǵyttaǵan eksportynyń kólemi 9,2 mlrd dollardy qurady, onyń edáýir bóligi — mashina jasaý salasynyń taýarlary men tutynys tehnikasy. EO bul aǵyndardy sanktsiialardy ainalyp ótý qaýpi retinde qarastyrady.
"Sondyqtan sanktsiialardyń 19-shy paketine qaita eksporttaýǵa salynǵan tyiym logistika, saýda-sattyq jáne deldaldyq qyzmetter salasynda jumys isteitin qazaqstandyq bizneske tikelei áser etýi múmkin", delingen sheteldik basylymda.
Buǵan deiin Qazaqstan da múshesi bolyp tabylatyn OPEK + elderi kelesi aida naryqtaǵy úlesin ulǵaitýǵa umtyla otyryp, munai óndirisi kólemin arttyrýǵa ózara keliskenin jazǵanbyz. Sarapshylar bul jaittyń álemdik naryqta munai baǵasynyń tómendeýine yqpal etýi múmkin ekenin boljaidy.
