Ulttyq bank bazalyq mólsherlemeni 18%-dan 17%-ǵa deiin tómendetkennen keiin ekinshi deńgeili bankter de kepilsiz nesieler boiynsha sharttaryn qaita qarai bastady, dep habarlaidy dalanews.kz.
Naryqtaǵy iri bankterdiń biri jalaqy jobasyna qatysatyn tutynýshylar úshin mólsherlemeni 31,4%-dan 28%-ǵa deiin, al ózge klientter úshin 35,1%-dan 30%-ǵa deiin tómendetti.
Degenmen mundai nesieler áli de qymbat sanalady. Jyldyq tiimdi syiaqy mólsherlemesi (JTSM) eń tómengi deńgeide 21,8%-dan bastalǵanymen, kóp jaǵdaida 28–35% aralyǵynda qalyp otyr. Keibir baǵdarlamalarda bul kórsetkish 42%-ǵa deiin jetedi.
Sarapshylardyń boljamynsha, infliatsiianyń odan ári baiaýlap, bazalyq mólsherlemeniń 2026 jyldyń sońyna qarai 16%-ǵa deiin tómendeýi jaǵdaiynda nesie sharttary da jaqsara túsýi múmkin. Bul rette eń tómengi mólsherlemeler 20%-ǵa jýyqtap, naryqtaǵy negizgi usynystar 26–33% aralyǵynda qalyptasýy yqtimal.
