ۇلتتىق بانك بازالىق مٶلشەرلەمەنٸ 18%-دان 17%-عا دەيٸن تٶمەندەتكەننەن كەيٸن ەكٸنشٸ دەڭگەيلٸ بانكتەر دە كەپٸلسٸز نەسيەلەر بويىنشا شارتتارىن قايتا قاراي باستادى, دەپ حابارلايدى dalanews.kz.
نارىقتاعى ٸرٸ بانكتەردٸڭ بٸرٸ جالاقى جوباسىنا قاتىساتىن تۇتىنۋشىلار ٷشٸن مٶلشەرلەمەنٸ 31,4%-دان 28%-عا دەيٸن, ال ٶزگە كليەنتتەر ٷشٸن 35,1%-دان 30%-عا دەيٸن تٶمەندەتتٸ.
دەگەنمەن مۇنداي نەسيەلەر ەلٸ دە قىمبات سانالادى. جىلدىق تيٸمدٸ سىياقى مٶلشەرلەمەسٸ (جتسم) ەڭ تٶمەنگٸ دەڭگەيدە 21,8%-دان باستالعانىمەن, كٶپ جاعدايدا 28–35% ارالىعىندا قالىپ وتىر. كەيبٸر باعدارلامالاردا بۇل كٶرسەتكٸش 42%-عا دەيٸن جەتەدٸ.
ساراپشىلاردىڭ بولجامىنشا, ينفلياتسييانىڭ ودان ەرٸ باياۋلاپ, بازالىق مٶلشەرلەمەنٸڭ 2026 جىلدىڭ سوڭىنا قاراي 16%-عا دەيٸن تٶمەندەۋٸ جاعدايىندا نەسيە شارتتارى دا جاقسارا تٷسۋٸ مٷمكٸن. بۇل رەتتە ەڭ تٶمەنگٸ مٶلشەرلەمەلەر 20%-عا جۋىقتاپ, نارىقتاعى نەگٸزگٸ ۇسىنىستار 26–33% ارالىعىندا قالىپتاسۋى ىقتيمال.
