اقمولا وبلىسىندا بٸرنەشە كٶلٸك سوقتىعىسقان جول اپاتىنان قازا تاپقاندار سانى ٷش ادامعا جەتتٸ. قايعىلى وقيعا سالدارىنان تاعى بٸرنەشە ادام زارداپ شەككەن, دەپ حابارلايدى dalanews.kz.
جول-كٶلٸك وقيعاسى 1 قاراشا كٷنٸ كەشكٸ ۋاقىتتا استانا – پەتروپاۆل تاسجولىنىڭ ماكينسك قالاسىنا جاقىن تۇسىندا بولعان.
الدىن الا مەلٸمەت بويىنشا, اپاتقا تٶرت اۆتوكٶلٸك قاتىسقان. ەۋەلٸ بويجەتكەن تٸزگٸندەگەن Toyota Camry جول جيەگٸندەگٸ قورشاۋعا سوعىلعان. ارتىنشا وسى كٶلٸككە Kia Rio كەلٸپ سوقتىعىسىپ, كەيٸن Chevrolet Cobalt اۆتوكٶلٸگٸ دە جول اپاتىنا ۇشىراعان.
سوقتىعىس سالدارىنان Toyota Camry جٷرگٸزۋشٸسٸ مەن جولاۋشىسى جولدىڭ قوزعالىس بٶلٸگٸنە شىعىپ كەتكەن. سول سەتتە جولمەن كەلە جاتقان Geely اۆتوكٶلٸگٸ ەكٸ ەيەلدٸ قاعىپ, ەكەۋٸ دە العان جاراقاتتارىنان وقيعا ورنىندا كٶز جۇمعان.
اپات سالدارىنان زارداپ شەككەن بەس ادام بۇلاندى اۋداندىق اۋرۋحاناسىنا جەتكٸزٸلگەن. الايدا ولاردىڭ بٸرٸ, باسىنان اۋىر جاراقات العان ەر ادام, دەرٸگەرلەردٸڭ كٶمەگٸنە قاراماستان اۋرۋحانادا قايتىس بولدى. وسىلايشا, قايعىلى وقيعادان كٶز جۇمعاندار سانى ٷش ادامعا جەتكەن.
قازا تاپقانداردىڭ اراسىندا پەتروپاۆل قالاسىنىڭ تۇرعىندارى دا بار. مەلٸمەتكە سٷيەنسەك, مارقۇم ەرلٸ-زايىپتىلار ەلوردادا تۇراتىن قىزىنا بارىپ, ٷيلەرٸنە قايتىپ كەلە جاتقان.
قايتىس بولعانداردىڭ بٸرٸ – پەتروپاۆل قالالىق №2 ەمحاناسىندا حيميزاتور بولىپ جۇمىس ٸستەگەن ايگٷل جۋاندىقوۆا. مەديتسينالىق مەكەمەنٸڭ قىزمەتكەرلەرٸ ەرٸپتەسٸنٸڭ قازاسىن راستاپ, ونىڭ وتباسى مەن جاقىندارىنا كٶڭٸل ايتقان.
