Almaty qalasynyń Alataý aýdanyndaǵy «Alatau Creative Hub» ortalyǵynda «Zań men tártip: qoǵamdaǵy mediatsiianyń róli» atty qalalyq konferentsiia ótti. Almaty qalasy Ishki saiasat basqarmasynyń qoldaýymen «Social Project Management» ortalyǵy uiymdastyrǵan jiynǵa memlekettik organdardyń, sot, quqyq qorǵaý salasynyń, biznes pen azamattyq sektordyń ókilderi, sarapshylar, mediatorlar jáne jastar qatysty, dep habarlaidy dalanews.kz.
Konferentsiianyń negizgi maqsaty – Qazaqstan Respýblikasy Prezidenti Qasym-Jomart Toqaevtyń «Zań men tártip» qaǵidaty aiasynda mediatsiia institýtynyń mańyzyn túsindirý, qoǵamda daýlardy beibit jolmen sheshý mádenietin qalyptastyrý.
Jiynda «Parasat» ortalyǵy direktorynyń orynbasary, mediator-trener Muhtar Adaev baiandama jasap, mediatsiianyń qoǵamdaǵy róline toqtaldy.
Sondai-aq «Quqyq, mediatsiia jáne kelissóz» JShS direktory, mediator-trener Aida Zamanbekova, Almaty qalasy Qoǵamdyq keńesiniń sarapshysy Rýslan Kaliollaev, Mamandandyrylǵan aýdanaralyq ekonomikalyq sottyń sýdiasy Gúlnar Bekturǵanova, Medeý aýdandyq sotynyń sýdiasy Ainur Qumarova jáne basqa da sala mamandary sóz sóiledi.
Olardyń qatarynda kásipker, metsenat Didar Quiqabaev, politsiia kapitany Aiza Nurbek, mediator Jaras Boranbaev, «Amanat Zańger» Mediatsiia jáne quqyq institýty» RQB kásibi mediatory Asem Naýryzbaeva jáne Áýezov aýdany balalardy qorǵaý ortalyǵynyń mamany Diliara Ómirzaqova boldy.
Talqylaý barysynda qatysýshylar mediatsiia tájiribesine qatysty túrli mysaldardy ortaǵa salyp, daýlardy sotqa jetkizbei sheshýdiń tiimdi joldaryn talqylady. Mediatsiia qyzmetimen buryn tanys bolmaǵan azamattar da suraqtaryn qoiyp, mamandardan jan-jaqty jaýap aldy.
Aita keteiik, mediatsiia – taraptardyń ózara kelisimge kelýi arqyly daýdy sotqa deiin nemese sot protsesi barysynda sheshýge múmkindik beretin tetik. Bul tásil ýaqyt pen qarajatty únemdep qana qoimai, taraptar arasyndaǵy qarym-qatynasty saqtaýǵa da kómektesedi.
Sarapshylardyń aitýynsha, Qazaqstanda mediatsiiaǵa júgingen daýlardyń 80-90 paiyzy oń sheshimin tabady. Sondyqtan turǵyndardyń quqyqtyq saýatyn arttyryp, mediatsiia múmkindikterin keńinen tanystyrý mańyzdy.
«Social Project Management» ortalyǵy jyl basynan beri mediatsiia institýtyn dáripteý jáne daýlardy beibit jolmen sheshý mádenietin qalyptastyrýǵa baǵyttalǵan birqatar is-shara ótkizgen. Búgingi konferentsiia osy jobanyń qorytyndy jiyny boldy.
Mamandardyń pikirinshe, mundai kezdesýler qoǵamda ózara túsinistik pen kelisim mádenietin qalyptastyrýǵa yqpal etedi. Azamattar kez kelgen kelispeýshilik týyndaǵan kezde birden sotqa júginbei, aldymen mediatsiia múmkindigin qarastyrsa, kóptegen máseleni jyldam ári tiimdi sheshýge bolady.
