Qasym-Jomart Toqaev aýyl sharýashylyǵy ǵylymyn damytýdyń naqty jospary qajet ekenin aitty, dep habarlaidy Dalanews.kz.
"Qoldanbaly aýyl sharýashylyǵy ǵylymyn jedel órkendetpeiinshe, agroónerkásip keshenin uzaq ýaqyt boiy qarqyndy damytý múmkin emes. Biraq, biýdjetten qomaqty qarjy bólinip jatqanyna qaramastan, agrarlyq ǵylymnyń qaitarymy áli de tómen bolyp otyr. Ǵylymi ázirlemelerdi kommertsiialandyrý deńgeii 17 paiyzdan aspaidy. Al, tiisti oqý oryndaryn bitirgen túlekterdiń 40 paiyzy ǵana osy salaǵa jumys isteýge barady. Agroǵylym men «jerdegi tirshiliktiń» arasynda alshaqtyq bar", - deidi Prezident.
Memleket basshysy buǵan deiin Ulttyq agrarlyq ǵylymi-bilim berý ortalyǵyn agrotehnologiia haby retinde qaita qurý týraly tapsyrma bergen.
"Aýyl sharýashylyǵy ǵylymyn damytýdyń naqty jospary qajet. Bul qujat tsifrlyq tehnologiialardy qoldanýǵa jáne osy salanyń ónimdiligin edáýir arttyrýǵa arnalǵan jospar bolýǵa tiis. Veterinariia men fitopatologiianyń kenjelep qalýy agroónerkásip kesheniniń básekege qabiletin aitarlyqtai shektep otyr. Osy máselege airyqsha nazar aýdarǵan jón", - deidi Prezident.
