Qazaqstan Prezidenti Qasym-Jomart Toqaevtyń atyna Kaspii teńizindegi oqý-jattyǵý barysynda áskeri qyzmetshilerdiń qaza tabýyna bailanysty shet memleketterdiń basshylary men halyqaralyq uiymdardyń jetekshilerinen kóńil aitý jedelhattary kelip túsip jatyr, dep habarlaidy dalanews.kz.
Jedelhattarda shetel kóshbasshylary osy qiyn sátte Qazaqstan halqyna qoldaý bildirip, qazaqstandyqtardyń aýyr qaiǵysyna ortaqtasatynyn jetkizgen. Sondai-aq qaza tapqan áskeri qyzmetshilerdiń týǵan-týystary men jaqyndaryna kóńil aitylǵan.
Kóńil aitý jedelhattaryn Tájikstan Prezidenti Emomali Rahmon, Ázerbaijan Prezidenti Ilham Áliev, Belarýs Prezidenti Aleksandr Lýkashenko, Frantsiia Prezidenti Emmaniýel Makron, Serbiia Prezidenti Aleksandr Výchich, Vetnam Kommýnistik partiiasy Ortalyq komitetiniń Bas hatshysy ári Vetnam Prezidenti To Lam, Armeniia Premer-ministri Nikol Pashinian jáne Tatarstan Raisy Rýstam Minnihanov joldady.
Sonymen qatar birqatar halyqaralyq uiymnyń jetekshileri de Qazaqstan Prezidentine kóńil aitý jedelhattaryn jiberdi.
Qasym-Jomart Toqaev halyqaralyq qoǵamdastyq ókilderine kóńil aitýy men qoldaýy úshin rizashylyǵyn bildirdi.
