Qazaqstan Prezidenti Qasym-Jomart Toqaev «Qazaqstan – Qytai» investitsiialyq forýmy aiasynda beinebailanys rejimi arqyly Fufeng Group kompaniiasynyń kásipornyn iske qosý rásimine qatysty. Sondai-aq Jambyl oblysynda júgerini tereń óńdeý boiynsha ónerkásip parkin qurý jobasynyń kelesi kezeńine bastaý berdi, dep habarlaidy dalanews.kz.
Ortalyq Aziiadaǵy aminqyshqyldaryn óndiretin alǵashqy zaýyt – «SHENGTAI BIOTECH CO., LTD» JShS Jambyl oblysynyń Shý aýdanynda, «JIBEK JOLY» arnaiy ekonomikalyq aimaǵy mańynda salyndy. 2024 jyly qol jetkizilgen kelisimderden óndiristi iske qosýǵa deiin eki jylǵa jýyq ýaqyt ótti. Jobanyń alǵashqy kezeńine $350 mln investitsiia salyndy. Kásiporyn jylyna 500 myń tonnaǵa deiin júgeri óńdei alady.
Kásiporyn aminqyshqyldaryn, onyń ishinde izoleitsin, leitsin, valin, treonin jáne glýtamin óndiredi. Bul ónimder tamaq jáne farmatsevtika ónerkásibinde, biotehnologiia salasynda, sondai-aq arnaiy taǵam ónimderi men jemshóp qospalaryn óndirýde keńinen qoldanylady.
Daiyn ónimniń 80%-yn eksportqa shyǵaryp, 20%-yn ishki naryqta satý josparlanyp otyr.
Jobany odan ári damytý aiasynda indýstriialyq park quryp, júgerini óńdeý qýatyn jylyna 3 mln tonnaǵa deiin arttyrý kózdelgen. Jobanyń jalpy investitsiialyq kólemi shamamen $1,5 mlrd bolady. 1,5 myńǵa jýyq jańa jumys orny ashylady.
Joba otandyq aýyl sharýashylyǵy taýaryn óndirýshiler úshin de qosymsha ótkizý naryǵyn qalyptastyrady. Kásiporynnyń alǵashqy kezeńinde jyl saiyn shamamen 500 myń tonna júgeri qajet bolady.
Birinshi kezeńde kásiporyn jyl saiyn shamamen 500 myń tonna júgeri satyp alýdy josparlap otyr. Bul jergilikti aýyl sharýashylyǵy taýaryn óndirýshiler úshin turaqty ótkizý naryǵyn qalyptastyrady jáne óńirdegi júgeri alqaptarynyń ulǵaiýyna yqpal etetin bolady.
Jobanyń júzege asyrylýy Qazaqstanda astyqty tereń óńdeýdiń tolyq óndiristik tsiklin qalyptastyrýǵa, qosylǵan quny joǵary ónim túrlerin shyǵarýdy arttyrýǵa jáne otandyq agroónerkásip kesheniniń eksporttyq áleýetin keńeitýge múmkindik beredi.
Jobany júzege asyrý jónindegi kelisimder Premer-ministr Oljas Bektenovtiń KGIR-2024 forýmynda jáne Shanhaida Fufeng Group basshylyǵymen ótkizgen kezdesýleri barysynda jasaldy.
