قازاقستان پرەزيدەنتٸ قاسىم-جومارت توقاەۆ «قازاقستان – قىتاي» ينۆەستيتسييالىق فورۋمى اياسىندا بەينەبايلانىس رەجيمٸ ارقىلى Fufeng Group كومپانيياسىنىڭ كەسٸپورنىن ٸسكە قوسۋ رەسٸمٸنە قاتىستى. سونداي-اق جامبىل وبلىسىندا جٷگەرٸنٸ تەرەڭ ٶڭدەۋ بويىنشا ٶنەركەسٸپ پاركٸن قۇرۋ جوباسىنىڭ كەلەسٸ كەزەڭٸنە باستاۋ بەردٸ, دەپ حابارلايدى dalanews.kz.
ورتالىق ازيياداعى امينقىشقىلدارىن ٶندٸرەتٸن العاشقى زاۋىت – «SHENGTAI BIOTECH CO., LTD» جشس جامبىل وبلىسىنىڭ شۋ اۋدانىندا, «JIBEK JOLY» ارنايى ەكونوميكالىق ايماعى ماڭىندا سالىندى. 2024 جىلى قول جەتكٸزٸلگەن كەلٸسٸمدەردەن ٶندٸرٸستٸ ٸسكە قوسۋعا دەيٸن ەكٸ جىلعا جۋىق ۋاقىت ٶتتٸ. جوبانىڭ العاشقى كەزەڭٸنە $350 ملن ينۆەستيتسييا سالىندى. كەسٸپورىن جىلىنا 500 مىڭ تونناعا دەيٸن جٷگەرٸ ٶڭدەي الادى.
كەسٸپورىن امينقىشقىلدارىن, ونىڭ ٸشٸندە يزولەيتسين, لەيتسين, ۆالين, ترەونين جەنە گلۋتامين ٶندٸرەدٸ. بۇل ٶنٸمدەر تاماق جەنە فارماتسەۆتيكا ٶنەركەسٸبٸندە, بيوتەحنولوگييا سالاسىندا, سونداي-اق ارنايى تاعام ٶنٸمدەرٸ مەن جەمشٶپ قوسپالارىن ٶندٸرۋدە كەڭٸنەن قولدانىلادى.
دايىن ٶنٸمنٸڭ 80%-ىن ەكسپورتقا شىعارىپ, 20%-ىن ٸشكٸ نارىقتا ساتۋ جوسپارلانىپ وتىر.
جوبانى ودان ەرٸ دامىتۋ اياسىندا يندۋسترييالىق پارك قۇرىپ, جٷگەرٸنٸ ٶڭدەۋ قۋاتىن جىلىنا 3 ملن تونناعا دەيٸن ارتتىرۋ كٶزدەلگەن. جوبانىڭ جالپى ينۆەستيتسييالىق كٶلەمٸ شامامەن $1,5 ملرد بولادى. 1,5 مىڭعا جۋىق جاڭا جۇمىس ورنى اشىلادى.
جوبا وتاندىق اۋىل شارۋاشىلىعى تاۋارىن ٶندٸرۋشٸلەر ٷشٸن دە قوسىمشا ٶتكٸزۋ نارىعىن قالىپتاستىرادى. كەسٸپورىننىڭ العاشقى كەزەڭٸندە جىل سايىن شامامەن 500 مىڭ توننا جٷگەرٸ قاجەت بولادى.
بٸرٸنشٸ كەزەڭدە كەسٸپورىن جىل سايىن شامامەن 500 مىڭ توننا جٷگەرٸ ساتىپ الۋدى جوسپارلاپ وتىر. بۇل جەرگٸلٸكتٸ اۋىل شارۋاشىلىعى تاۋارىن ٶندٸرۋشٸلەر ٷشٸن تۇراقتى ٶتكٸزۋ نارىعىن قالىپتاستىرادى جەنە ٶڭٸردەگٸ جٷگەرٸ القاپتارىنىڭ ۇلعايۋىنا ىقپال ەتەتٸن بولادى.
جوبانىڭ جٷزەگە اسىرىلۋى قازاقستاندا استىقتى تەرەڭ ٶڭدەۋدٸڭ تولىق ٶندٸرٸستٸك تسيكلٸن قالىپتاستىرۋعا, قوسىلعان قۇنى جوعارى ٶنٸم تٷرلەرٸن شىعارۋدى ارتتىرۋعا جەنە وتاندىق اگروٶنەركەسٸپ كەشەنٸنٸڭ ەكسپورتتىق ەلەۋەتٸن كەڭەيتۋگە مٷمكٸندٸك بەرەدٸ.
جوبانى جٷزەگە اسىرۋ جٶنٸندەگٸ كەلٸسٸمدەر پرەمەر-مينيستر ولجاس بەكتەنوۆتٸڭ KGIR-2024 فورۋمىندا جەنە شانحايدا Fufeng Group باسشىلىعىمەن ٶتكٸزگەن كەزدەسۋلەرٸ بارىسىندا جاسالدى.
