Memleket basshysy Qasym-Jomart Toqaev Mańǵystaý oblysynda qaza tapqan áskeri qyzmetshilerdiń otbasylaryna kóńil aityp, olardyń týǵan-týystary men jaqyndaryna qoldaý bildirdi, dep habarlaidy dalanews.kz.
Prezidenttiń atynan joldanǵan kóńil aitý jedelhattaryn Mańǵystaý jáne Túrkistan oblystarynyń basshylary, Bas múfti Naýryzbai Taǵanuly jáne qoǵam belsendileri qaza bolǵan áskeri qyzmetshilerdiń otbasylaryna tabystady.
Jedelhatta marqumdardyń jaqyndaryna barlyq qajetti kómek kórsetiletini atap ótildi. Memleket basshysy qaiǵyly oqiǵaǵa kináli tulǵalar zań aiasynda eń qatań jazaǵa tartylatynyn jetkizdi.
Sonymen qatar Qasym-Jomart Toqaev qaza tapqan áskeri qyzmetshilerdiń memlekettik marapattarǵa usynylatynyn atap ótti.
