Symbat Tóretaev Jańaózen qalasynyń ákimi bolyp taǵaiyndaldy. Bul týraly Mańǵystaý oblysy ákimdiginiń baspasóz qyzmeti habarlady, dep jazady dalanews.kz.
Qazaqstan Respýblikasy Prezidenti Ákimshiliginiń kelisimimen oblys ákimi Nurdáýlet Qilybaidyń ókimi negizinde Symbat Qýanyshuly Tóretaev Jańaózen qalasynyń ákimi qyzmetine kiristi.
Symbat Tóretaev 1978 jylǵy 27 qańtarda Mańǵystaý oblysy Eraliev aýdanynyń Jetibai aýylynda dúniege kelgen.
Eńbek jolyn 2000 jyly Mańǵystaý oblystyq ishki ister basqarmasynyń uiymdasqan qylmysqa qarsy kúres basqarmasynda jedel ýákil bolyp bastaǵan. Keiin aǵa jedel ýákil jáne asa mańyzdy ister jónindegi aǵa jedel ýákil qyzmetterin atqardy.
2006-2010 jyldary «Nur» JShS direktory boldy. Al 2010-2014 jyldar aralyǵynda Qaraqiia aýdany Munaishy aýylynyń ákimi qyzmetin atqarǵan.
2015-2017 jyldary Mańǵystaý oblysy ákimi apparatynyń quqyq qorǵaý organdarymen jumys, terrorizmge qarsy is-qimyl, jumyldyrý daiyndyǵy jáne azamattyq qorǵanys bólimin basqardy.
2017-2019 jyldary oblys ákimi apparatynyń terrorizmge qarsy is-qimyl bóliminiń basshysy boldy.
2019-2023 jyldary Qaraqiia aýdany ákiminiń orynbasary qyzmetin atqardy. 2023 jylǵy mamyrdan bastap Jańaózen qalasynyń ákimi bolyp taǵaiyndalǵanǵa deiin Qaraqiia aýdanyn basqardy.
Aita keteiik, buǵan deiin Jańaózen qalasynyń ákimi qyzmetin 2024 jyldan beri Janseiit Qainarbaev atqaryp kelgen.
