سىمبات تٶرەتاەۆ جاڭاٶزەن قالاسىنىڭ ەكٸمٸ بولىپ تاعايىندالدى. بۇل تۋرالى ماڭعىستاۋ وبلىسى ەكٸمدٸگٸنٸڭ باسپاسٶز قىزمەتٸ حابارلادى, دەپ جازادى dalanews.kz.
قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ كەلٸسٸمٸمەن وبلىس ەكٸمٸ نۇردەۋلەت قيلىبايدىڭ ٶكٸمٸ نەگٸزٸندە سىمبات قۋانىشۇلى تٶرەتاەۆ جاڭاٶزەن قالاسىنىڭ ەكٸمٸ قىزمەتٸنە كٸرٸستٸ.
سىمبات تٶرەتاەۆ 1978 جىلعى 27 قاڭتاردا ماڭعىستاۋ وبلىسى ەراليەۆ اۋدانىنىڭ جەتٸباي اۋىلىندا دٷنيەگە كەلگەن.
ەڭبەك جولىن 2000 جىلى ماڭعىستاۋ وبلىستىق ٸشكٸ ٸستەر باسقارماسىنىڭ ۇيىمداسقان قىلمىسقا قارسى كٷرەس باسقارماسىندا جەدەل ۋەكٸل بولىپ باستاعان. كەيٸن اعا جەدەل ۋەكٸل جەنە اسا ماڭىزدى ٸستەر جٶنٸندەگٸ اعا جەدەل ۋەكٸل قىزمەتتەرٸن اتقاردى.
2006-2010 جىلدارى «نۇر» جشس ديرەكتورى بولدى. ال 2010-2014 جىلدار ارالىعىندا قاراقييا اۋدانى مۇنايشى اۋىلىنىڭ ەكٸمٸ قىزمەتٸن اتقارعان.
2015-2017 جىلدارى ماڭعىستاۋ وبلىسى ەكٸمٸ اپپاراتىنىڭ قۇقىق قورعاۋ ورگاندارىمەن جۇمىس, تەرروريزمگە قارسى ٸس-قيمىل, جۇمىلدىرۋ دايىندىعى جەنە ازاماتتىق قورعانىس بٶلٸمٸن باسقاردى.
2017-2019 جىلدارى وبلىس ەكٸمٸ اپپاراتىنىڭ تەرروريزمگە قارسى ٸس-قيمىل بٶلٸمٸنٸڭ باسشىسى بولدى.
2019-2023 جىلدارى قاراقييا اۋدانى ەكٸمٸنٸڭ ورىنباسارى قىزمەتٸن اتقاردى. 2023 جىلعى مامىردان باستاپ جاڭاٶزەن قالاسىنىڭ ەكٸمٸ بولىپ تاعايىندالعانعا دەيٸن قاراقييا اۋدانىن باسقاردى.
ايتا كەتەيٸك, بۇعان دەيٸن جاڭاٶزەن قالاسىنىڭ ەكٸمٸ قىزمەتٸن 2024 جىلدان بەرٸ جانسەيٸت قاينارباەۆ اتقارىپ كەلگەن.
