Búgin, 2025 jyly 8 qyrkúiekte Atyraý oblysyndaǵy iri kommertsiialyq jáne óndiristik kásiporyndar "Atyraý jaryq" kompaniiasynan elektr tapshylyǵyna qatysty qulaqtandyrý habarlamasyn aldy. Bul týraly Energi Monitor Telegram arnasy jazady, dep habarlaidy Dalanews.kz.
Resmi habarlamada táýlik boiyna ýáde etilgen elektr energiiasy kólemi kúrt qysqarǵany, soǵan bailanysty josparǵa ózgeris engizilgeni eskertiledi. Buǵan RF-nyń óz importy kólemin qysqartýy, "MAEK-Qazatomónerkásip" JShS elektr stantsiiasynda kúrdeli jóndeý jumystarynyń júrgizilýi túrtki ekeni de aitylady.
"Osyǵan bailanysty 2025 jyly 8 qyrkúiekte saǵat 10-nan 22-00-ge deiin buǵan deiin ýáde etilgen 141,3 myń kVtsaǵat kólem 7-den 19,0 MVt-ǵa deiin qysqarýy múmkin ekenin eske salamyz. Sondyqtan avtonomdy jaryqty qamtamasyz etý qurylǵylaryn daiarlaý suralady, ol bolmaǵan jaǵdaida 8 qyrkúiekte saǵat 10-00-den 22-00 aralyǵynda tehnologiialyq protsestiń belgili bir ýaqytqa toqtaýyna daiyn bolý kereksizder", delingen "Atyraý jaryq" kompaniiasynyń habarlamasynda
Atyraý oblysy Mańǵystaý oblysynan jáne Reseiden toq alyp otyratynyn naqtylai keteiik.
