بٷگٸن, 2025 جىلى 8 قىركٷيەكتە اتىراۋ وبلىسىنداعى ٸرٸ كوممەرتسييالىق جەنە ٶندٸرٸستٸك كەسٸپورىندار "اتىراۋ جارىق" كومپانيياسىنان ەلەكتر تاپشىلىعىنا قاتىستى قۇلاقتاندىرۋ حابارلاماسىن الدى. بۇل تۋرالى Energi Monitor Telegram ارناسى جازادى, دەپ حابارلايدى Dalanews.kz.
رەسمي حابارلامادا تەۋلٸك بويىنا ۋەدە ەتٸلگەن ەلەكتر ەنەرگيياسى كٶلەمٸ كٷرت قىسقارعانى, سوعان بايلانىستى جوسپارعا ٶزگەرٸس ەنگٸزٸلگەنٸ ەسكەرتٸلەدٸ. بۇعان رف-نىڭ ٶز يمپورتى كٶلەمٸن قىسقارتۋى, "ماەك-قازاتومٶنەركەسٸپ" جشس ەلەكتر ستانتسيياسىندا كٷردەلٸ جٶندەۋ جۇمىستارىنىڭ جٷرگٸزٸلۋٸ تٷرتكٸ ەكەنٸ دە ايتىلادى.
"وسىعان بايلانىستى 2025 جىلى 8 قىركٷيەكتە ساعات 10-نان 22-00-گە دەيٸن بۇعان دەيٸن ۋەدە ەتٸلگەن 141,3 مىڭ كۆتساعات كٶلەم 7-دەن 19,0 مۆت-عا دەيٸن قىسقارۋى مٷمكٸن ەكەنٸن ەسكە سالامىز. سوندىقتان اۆتونومدى جارىقتى قامتاماسىز ەتۋ قۇرىلعىلارىن دايارلاۋ سۇرالادى, ول بولماعان جاعدايدا 8 قىركٷيەكتە ساعات 10-00-دەن 22-00 ارالىعىندا تەحنولوگييالىق پروتسەستٸڭ بەلگٸلٸ بٸر ۋاقىتقا توقتاۋىنا دايىن بولۋ كەرەكسٸزدەر", دەلٸنگەن "اتىراۋ جارىق" كومپانيياسىنىڭ حابارلاماسىندا
اتىراۋ وبلىسى ماڭعىستاۋ وبلىسىنان جەنە رەسەيدەن توق الىپ وتىراتىنىن ناقتىلاي كەتەيٸك.
