مەجٸلٸس دەپۋتاتى بەرٸك بەيسەنعاليەۆ جۇمىس بەرۋشٸلەر تٶلەيتٸن ەلەۋمەتتٸك تٶلەمدەردٸڭ بارلىعىن بٸر تٶلەمگە بٸرٸكتٸرۋدٸ ۇسىندى, دەپ حابارلايدى dalanews.kz.
دەپۋتاتتىڭ ايتۋىنشا, قازٸرگٸ تاڭدا شاعىن كەسٸپورىنداردىڭ بۋحگالتەرلەرٸ ەر قىزمەتكەر بويىنشا اي سايىن جەتٸ-سەگٸز تٷرلٸ تٶلەمدٸ ەسەپتەۋگە مەجبٷر. ونىڭ ەرقايسىسىنىڭ ەسەپتەۋ بازاسى, ليميتٸ جەنە تٶلەۋ تەرتٸبٸ ەرتٷرلٸ.
وسىعان بايلانىستى مەجٸلٸسمەن جۇمىس بەرۋشٸنٸڭ ەلەۋمەتتٸك سالىعىن, ەلەۋمەتتٸك اۋدارىمدارىن, مەمس جارنالارىن جەنە جۇمىس بەرۋشٸنٸڭ مٸندەتتٸ زەينەتاقى جارنالارىن بٸر تٶلەمگە بٸرٸكتٸرۋدٸ ۇسىندى.
«قىزمەتكەرلەردٸڭ مٸندەتتٸ زەينەتاقى جارنالارى مەن جەكە تابىس سالىعىن قازٸرگٸ كٷيٸندە ساقتاۋدى ورىندى دەپ سانايمىز. سونىمەن قاتار جۇمىس بەرۋشٸنٸڭ قالعان بارلىق تٶلەمدەرٸن – ەلەۋمەتتٸك سالىقتى, ەلەۋمەتتٸك اۋدارىمداردى, مەمس اۋدارىمدارىن جەنە جۇمىس بەرۋشٸنٸڭ مٸندەتتٸ زەينەتاقى جارنالارىن بٸرىڭعاي ەلەۋمەتتٸك تٶلەمگە بٸرٸكتٸرۋ مٷمكٸندٸگٸن قاراستىرۋدى ۇسىنامىز. ياعني: بٸر قىزمەتكەر, بٸر بازا, بٸر ەسەپ, بٸر تٶلەم قاعيداتى بويىنشا. ال تٷسكەن قاراجاتتى مەملەكەت ٶزدٸگٸنەن بٶلٸپ وتىرادى», – دەدٸ بەيسەنعاليەۆ مەجٸلٸس وتىرىسىندا.
ونىڭ پٸكٸرٸنشە, ەڭبەككە تٷسەتٸن شامادان تىس جٷكتەمە بيزنەستٸڭ بٸر بٶلٸگٸن كٶلەڭكەلٸ ەكونوميكاعا كەتۋگە يتەرمەلەۋٸ مٷمكٸن.
«ەلەمدٸك تەجٸريبە بەلگٸلٸ لاففەر قيسىعىنىڭ قورىتىندىلارىن راستايدى: ەڭبەككە تٷسەتٸن شامادان تىس جٷكتەمە تٷسٸمدەردٸڭ ارتۋىنا ەمەس, جالاقىنىڭ بٸر بٶلٸگٸنٸڭ كٶلەڭكەگە كەتۋٸ ارقىلى سالىق بازاسىنىڭ قىسقارۋىنا الىپ كەلەدٸ», – دەدٸ دەپۋتات.
مەجٸلٸسمەن مىسال رەتٸندە گرۋزييانى اتادى. ونىڭ ايتۋىنشا, بۇل ەلدە جالاقى قورىنان الىناتىن دەستٷرلٸ اۋدارىمداردىڭ ورنىنا 20 پايىزدىق بٸرىڭعاي تابىس سالىعى قولدانىلادى. سونىمەن قاتار ەستونييا, شۆەتسييا جەنە سينگاپۋردا دا بٸرىڭعاي ەلەۋمەتتٸك سالىق جٷيەسٸ بار.
بەرٸك بەيسەنعاليەۆتٸڭ مەلٸمەتٸنشە, قازاقستاندا جالاقى قورىنا تٷسەتٸن جيىنتىق جٷكتەمە قازٸردٸڭ ٶزٸندە 39,5 پايىزعا جەتكەن.
«ۇلتتىق ەكونوميكا مينيسترلٸگٸنٸڭ دەرەكتەرٸنە سەيكەس, قازاقستاندا جالاقى قورىنا تٷسەتٸن جيىنتىق جٷكتەمە 39,5 پايىزعا جەتتٸ جەنە الداعى جىلدارى 41 پايىزدان اسۋى مٷمكٸن. سونىمەن قاتار جەكەلەگەن ەلەۋمەتتٸك تٶلەمدەر كٶلەمٸ ٶسە بەرەدٸ», – دەدٸ ول.
دەپۋتاتتىڭ پٸكٸرٸنشە, بٸرىڭعاي تٶلەم ەنگٸزۋ بيزنەستٸڭ ەكٸمشٸلٸك شىعىندارىن ازايتىپ, ەسەپتٸلٸكتٸ جەڭٸلدەتۋگە جەنە ەڭبەك قاتىناستارىن زاڭداستىرۋعا ىقپال ەتۋٸ مٷمكٸن.
وسىعان بايلانىستى ول ٷكٸمەتتەن قازاقستان مەن ەىدۇ ەلدەرٸندەگٸ ەڭبەككە تٷسەتٸن جٷكتەمەگە سالىستىرمالى تالداۋ جٷرگٸزۋدٸ, ونىڭ جاڭا جۇمىس ورىندارىن قۇرۋ مەن كٶلەڭكەلٸ جۇمىسپەن قامتۋعا ەسەرٸن باعالاۋدى جەنە شاعىن جەنە ورتا بيزنەس ٷشٸن بٸرىڭعاي ەلەۋمەتتٸك تٶلەم ەنگٸزۋ مٷمكٸندٸگٸن قاراستىرۋدى سۇرادى.
