Prezident premer-ministr Oljas Bektenovke 10 kún ýaqyt berdi, dep habarlaidy Dalanews.kz.
Memleket basshysy Úkimetke investitsiia tartý júiesin túgel jańǵyrtý jónindegi naqty is-sharalar josparyn ázirleýdi tapsyrdy.
"Elimizge qomaqty investitsiia tartý kerek. Qazir dúnie júzinde investitsiiaǵa talas kúsheiip barady. Jańa investitsiialyq kezeńdi bastaýymyz qajet. Qazirgi investitsiia tartý saiasaty mardymdy dep aita almaimyn. Qarajattyń kóbi shikizat salalaryna quiylyp jatyr. Jalpy, bul jaman emes, osyndai investitsiialar bizge qajet. Biraq qazir turǵan mindet – basqa. Bul – óńdeý salasyna kóbirek qarajat tartý. Sondyqtan Úkimet investitsiia saiasatyna basqasha kózqaraspen qaraýy kerek. Qajet bolsa, joǵary tehnologiialarǵa salynatyn investitsiialarǵa jeńildik berýge bolady. Sondai-aq memlekettiń investitsiiasy men jeke biznestiń iri bastamalaryna birdei nazar aýdarý qajet. Iri investorlarmen qatar orta jáne shaǵyn investorlarmen tyǵyz bailanysta jumys isteý kerek. Qarajattyń qai baǵytqa, qandai maqsatpen jáne qansha kólemde qajet ekenin naqty bilý qajet. «Investitsiiaǵa tapsyrys» óndiristiń suranysyna sai jasalýy kerek. Elimizdegi investorlarmen qarym-qatynas júiesi kúrdeli ári bytyrańqy. Qaǵazbastylyq kóp, túrli organdardyń quzyretteri qaitalanady. Al, qazirgi kúrdeli ahýal kezinde investitsiia tartý – kezek kúttirmeitin másele, bizge jańa ustanym kerek.
Qalai bolsa da, investitsiia tartý boiynsha barlyq úilestirý jumysy tikelei Premer-ministrge júkteledi. Jańa ministrlik qurýdyń qajeti joq. Biraq, kózge ottai basylatyn nárse: elimizde birde-bir mekemeniń ataýynda investitsiia degen sóz joq. Investitsiia tipti, jetim bala siiaqty úsh-tórt mekemege ortaq másele bolyp, óz jolyn tappai júr. Sondyqtan Premer-Ministr on kún ishinde naqty usynys berýge tiis. Budan bólek, Úkimetke investitsiia tartý júiesin túgel jańǵyrtý jónindegi naqty is-sharalar josparyn meilinshe qysqa merzim ishinde ázirleýdi tapsyramyn", - dedi Toqaev.
