AQSh Memlekettik departamenti Resei azamattarynyń beiimmigratsiialyq (beirezidenttik) vizalaryna ótinishterin qabyldaý úshin resmi túrde Astanany tańdady, dep habarlaidy Dalanews.kz.
"Memlekettik departament beiimmigratsiialyq vizaǵa (NIV) ótinish berýshilerge arnalǵan nusqaýlyqtaryn jańartty. Endi beiimmigratsiialyq viza alǵysy keletinder suhbatqa óz elinde nemese turǵylyqty jerinde ornalasqan AQSh elshiligine ne konsýldyǵyna jazylýy tiis. Al AQSh úkimeti beiimmigratsiialyq vizalardy standartty rásimdeý júrgizbeitin elderdiń azamattary ótinishti tiisti elshilikterge nemese konsýldyqtarǵa tapsyrýy qajet (eger basqa elde turmasa). Beiimmigratsiialyq vizalarǵa ótinish berýdiń taǵaiyndalǵan oryndaryn tómendegi tizimnen kórýge bolady. Atap aitqanda: azamattyǵy – Resei; taǵaiyndalǵan oryndar – Astana, Varshava", – delingen AQSh Memlekettik departamentiniń habarlamasynda.
Resmi málimetke sáikes, Resei azamattary úshin Astanany ótinish qabyldaý ortalyǵy retinde belgileý týraly sheshim 6 qyrkúiekte qabyldanǵan.
