Qasym-Jomart Toqaev sý resýrstaryn tiimdi paidalaný jumysynyń baiaý júrip jatqanyn synǵa aldy, dep habarlaidy Dalanews.kz.
Memleket basshysy diqandardyń áli de sýdy kóp qajet etetin daqyldardy egýdi azaitpai otyrǵanyn jáne kei óńirlerde sýdy ruqsatsyz buryp alý faktileri jiilegenin atap ótti. Sondai-aq «qara naryqtaǵy» sý saýdasyna quqyq qorǵaý organdarynyń nazar aýdarýyn tapsyrdy.
Prezident Aral teńizin qalpyna keltirý tájiribesin mysalǵa keltirip, Soltústik Araldaǵy oń ózgeristerdi atap ótti.
«Kaspiidiń tartylýy – asa iri ekologiialyq qater. Bul tek bir eldiń ǵana emes, búkil aimaqtyń taǵdyryna qatysty másele», – dedi ol.
Toqaev Úkimetke Kaspiidiń sý resýrstaryn saqtaý jóninde memleketaralyq baǵdarlama ázirleýdi tapsyrdy. Onyń pikirinshe, qujat seriktes memleketterdiń úilesimdi ári jedel áreket etýine negiz bolýy kerek.
