Nemtsovty nege óltirdi?

– Men Boristy ólerinen birneshe kún buryn Kievte kezdestirgen edim. Ekeýimiz tústendik. Ol maǵan jaqtastarymen birge Máskeýde miting ótkizetinin aitty. Men odan «qazirgi jaǵdaida Reseide mundai shara ótkizýge qoryqpaisyń ba?» dep suradym. Ol munysy úshin Pýtin ózin túrmege qamaýy múmkin ekenin, alaida uzaq ýaqyt ustap tura almasyn aitty.

– Sońǵy kúnderi barlyq reseilik arnalar «Antimaidandy» ólip-tirilip jarnamalady. Osy aktsiianyń barysynda Boris Nemtsov qazirgi reseilik biliktiń, memlekettiń, eń aiaǵy eldiń eń basty jaýy dep ataldy. Osyǵan sai plakattar boldy. Kóp boldy. Saiyp kelgende, osynyń ózi Nemtsovty óltirýge úndeýdiń ádisi bolatyn. Al bul aktsiiany uiymdastyrǵan kim? Árine, reseilik bilik. Endeshe Boristiń ólimine de sol kináli.

Buǵan tapsyrys bergen jáne itermelegen adam osy qylmystyń eń basty aiypkeri.

Qaitalap aitaiyn, reseilik qoǵamdy bul ólimge ázirledi, Boriadan «halyq jaýyn» jasady, «Antimaidan» arqyly arandatty. «Nemtsov saiasi turǵydan Pýtinge qaýip tóndirmegen jáne ony óltirý eń birinshiden Resei biligine tiimsiz edi» deidi. Bul da bos áńgime.

– Eger Pýtinniń bul qylmysqa rasymen de qatysy bolmasa, endeshe, Nemtsovtyń óliminen keiin ol birden otstavkaǵa keter edi. «Mine, kórdińizder me, men emespin. Men budan eshteńe utqan joqpyn», – der edi ol. Jaraidy, bul aqylǵa syiymsyz deseńiz, endeshe, ol Kolokoltsev (ishki ister ministri), Bortnikov (federaldy qaýipsizdik qyzmetiniń direktory) jáne Mýrovty (federaldy kúzet qyzmetiniń direktory) sol sátte-aq jumysynan qýyp shyǵar edi (eń kem degende).

– Boris kúresker edi. Búgingi qylmystyq júie onyń aýzyn býýdyń jolyn taba almady. Al sheshen prezidenti Qadyrov pen Qyrym prokýrory Poklonskaianyń jazbalaryna qarap ( aita ketelik, Qadyrov «Nemtsovty Batystyń arnaiy qyzmeti óltirdi» dese, Poklonskaia «mundailar bilikke qaýipti emes. Aty bar, zaty joq. Bilikti, aqshany bólise almaǵan ádepki turmystyq qylmys» degen bolatyn), búgingi pýtindik Reseidiń oi-sanasy qanshalyqty ekenin baǵalaýǵa bolady.

Ony óltirýge Pýtinniń buiryq bergeni sózsiz. Mundai saiasi qylmystar oryn alýy múmkin atmosferany qalyptastyrǵan Pýtinniń ózi. Áli talai qan tógiledi...

• 

  Boris Efimovich Nemtsov


• Qyzmeti: saiasatker; Týǵan jyly: 09.10.1959; Qaitys boldy: 27.02.2015


• Reseilik saiasattanýshy, ««Solidarnost» birikken demokratiialyq qozǵalysyn qurǵandardyń biri, «RPR-PARNAS» saiasi partiiasynyń teń tóraǵasy, reseilik oppozitsiia keńesiniń múshesi.
  Nijegorod oblysynyń gýbernatory retinde tanymal boldy. Keiin Úkimetke aýysty. Otyn jáne energetika ministri, Úkimet tóraǵasynyń birinshi orynbasary mindetin atqardy.


• 1998 jyly «Jas Resei» liberaldy qozǵalysyn qurdy, artynsha bul uiym «Oń is» koalitsiiasy men «Ońshyl kúshterdiń keńesi» partiiasyn qurýǵa muryndyq boldy. Birneshe ret Resei parlamentine ótken.


• 2004 jyly «Komitet-2008: tańdaý erkindigi» uiymyn qurdy.


• 2005-2006 jyldary sol kezgi Ýkraina prezidenti Viktor Iýshenkonyń shtattan tys keńesshisi boldy.


• 2010 jyly «Qysymsyz jáne korrýptsiiasyz Resei» halyqtyq partiiasynyń, 2012 jyly «Resei respýblikalyq partiiasy – halyqtyq erkindik partiiasynyń» teń tóraǵasy bolyp sailandy.


• 2015 jyldyń 27 aqpanynda Boris Nemtsovty atyp ketti. Onyń artynda 4 balasy qaldy...

BORISTIŃ BAILAMDARY

1. Reseide uzaq ómir súrý kerek. Sebebi, Pýtinmen kúres sprint emes, marafon. Buǵan aldyna maqsat qoiǵandar ǵana jetedi. Ondailar az. 


2. 
   

   Imperiialyq piǵylymyz úshin árbirimiz jaýap beremiz. Ózińizge suraq qoiyńyzshy: «Siz, jeke ózińiz Pýtinniń Qyrymdy jaýlap alǵanynan ne utasyz?». Eshteńe. Qaita qaiǵyńyzǵa qaiǵy jamalady. Biz árdaiym jaý izdep júremiz. Ýkrainder - bizge baýyrlas ult.

   
   


3. Pýtin quldyq, mujyqtyq psihologiiany óz yńǵaiyna paidalanyp otyr. Halyqqa «tynysh otyryńdar, men aqyldymyn, senderge qalai kómektesý kerektigin bilem», – deidi. Bul memlekettiń kúireýine ákeletin apatty stsenarii.


4. 
   

   Men revoliýtsioner emespin. Reseide tóńkeris bolsa mindetti túrde qan tógilerin, tipti budan ótken tosyn jaǵdailar oryn alaryn bilemin. Sondyqtan búgingi jaǵdaidyń qantógispen sheshilgenin qalamaimyn.

   
   


5. Reseide birnársege jyldam qol jetkizý qiyn. Adamdar kedei ómir súretinin aitady. Biraq, «Endeshe,durys ómir súrelik, salyqty tómendetkizeiik, jeke biznesti kótereiik, sóz bostandyǵyna erik bereiik» desek, «JOQ, KEREK EMES» deidi. Qoǵam aitady: «Iá, men qaiyrshymyn, baqytsyzbyn. Biraq, sen aralaspai-aq qoi. Qudai betin ary qylsyn, budan da qiyndap ketip júrer. Aqyryndap, abailap alǵa jyljý kerekpiz».


6. 
   

   Resei ekonomikalyq «SPID –ke» shaldyqqan. Syrtqy áserge beiimdelmegen. Biraq bul kez kelgen avtoritarly júiege tán. Zaman túzý bolsa esirip, elirip, al sál qiyndyq týsa úgitilip ketedi.

   
   


7. Pýtinizmdi ustap turǵan qymbat munai men tsenzýra. Munyń bireýin alyp tastańyzshy, keler kúni-aq biz basqa elde ómir súretin bolamyz.


8. 
   

   Alaiaqtar men qapteserlerdiń partiiasy uzaq ómir súre almaidy. Sondyqtan «Birtutas Reseidiń» («Edinaia Rossiia» partiiasy) bolashaǵy joq. Bul partiia qurdymǵa ketip qana qoimai, onyń basshylary kúnderdiń kúni sot aldynda jaýap beredi.

   
   


9. Reseilik bilik óz halqynan qaýiptenedi, kóterilisten ólerdei qorqady, soǵan qaramai, osy kóterilis oryn alýy úshin qoldan kelgenniń bárin jasap jatyr.

Ázirlegen, Dýman BYQAI