Almaty oblysynda 19 jastaǵy Dinmuhammed Shynarbek áskeri bólimnen sýitsid jasaǵan kúiinde tabyldy, dep habarlaidy Dalanews.kz.
Bul týraly onyń ápkesi Eńlik Qaltaeva habarlady.
Ápkesiniń sózinshe, 2024 jyldyń kúzinde ásker qataryna onyń aǵasy Daniial Shynarbek shaqyrylsa, kóktemde onyń egizi – Dinmuhammed Shynarbek áskerge alynǵan.
«Olar birge qyzmet etip júrdi, biraq ant qabyldaǵannan keiin Dinmuhammedti Matybulaqtaǵy №01098 áskeri bólimge aýystyryp, aǵasynan ajyratty. Egizderdi bólýge bolmaidy. Dál sol jerde qaiǵyly oqiǵa boldy. Búgin Dinmuhammed Shynarbektiń asylyp qalǵany týraly habar berdi», – dedi ol.
29 tamyzda Dinmuhammed 19 jasqa tolǵan. Ápkesi onyń eńbekqor, meiirimdi, bolashaǵyna úmitpen qaraǵanyn eske aldy.
«Biz qara jamylyp otyrmyz, onyń ólimin sýitsid dep túsindirýine sene almaimyz. Nege beibit ýaqytta osyndai jas jigitter qaza tabady? Bizge shyndyq pen ádilet kerek», – dedi Eńlik Qaltaeva.
Qazaqstan qarýly kúshteriniń Qurlyq áskerleriniń baspasóz qyzmetiniń málimetinshe, 17 qyrkúiekte Gvardeisk garnizonyndaǵy áskeri bólimderdiń birinde merzimdi áskeri qyzmet atqaryp júrgen sarbaz óz-ózine qol jumsaǵan.
Atalǵan fakt boiynsha qylmystyq is qozǵalyp, tergeý amaldary júrgizilýde.
Qurlyq áskerleri bas qolbasshysynyń tapsyrmasymen oqiǵanyń mán-jaiyn anyqtaý úshin arnaiy komissiia jiberildi. Qazaqstan Respýblikasy Qarýly kúshteri Qurlyq áskerleriniń qolbasshylyǵy marqumnyń týystary men jaqyndaryna qaiǵyryp kóńil aityp, olarǵa barlyq qajetti kómek kórsetiletinin jetkizdi.
