Kezdesýdi ashyp júrgizip otyrǵan «Sanaly urpaq» respýblikalyq jobalyq keńsesiniń basshysy Qaiyrjan Toqyshev atalǵan ýniversitettiń Qazaqstan joǵary oqý oryndary arasynda birinshi bolyp respýblikalyq «Sanaly urpaq» jobalyq keńsesiniń sybailas jemqorlyqqa qarsy is-qimyl saiasatyn qoldap, jemqorlyqsyz orta qalyptastyrý jolyndaǵy bastamasy búginde qyzý qoldaý taýyp otyrǵanyn atap kórsetti.
Osyndai maqsatty da jemisti jumystyń arqasynda Abai ýniversiteti «Evrosert» kompaniiasynyń ISO 37001-2016 standartynyń halyqaralyq sáikestik sertifikatyna respýblikada birinshi bolyp qol jetkizdi. Óz kezeginde Qaiyrjan Toqyshev «Búgin biz ýniversitettiń sybailas jemqorlyqqa qarsy is-qimyl tájiribesin ortaǵa salý úshin osy kezdesýdi uiymdystyryp otyrmyz» degen Qairjan Toqyshev alǵashqy sózdi Abai atyndaǵy Qazaq ulttyq pedagogikalyq ýniversiteti KEAQ Basqarmasynyń Tóraǵasy - Rektory Darhan Nurlanuly Bilálovqa berdi.
Darhan Bilálov óz sózinde ýniversitettegi sybailas jemqorlyq kórinisterine qarsy kúres, akademiialyq adaldyq printsipterin saqtaý jónindegi is-sharalar Bilim jáne ǵylym ministirliginiń nusqaýlyqtary talaptaryna sai jáne Almaty qalasy boiynsha sybailas jemqorlyqqa qarsy is-qimyl Departamentiniń respýblikalyq «Sanaly urpaq» jobalyq keńsesimen birge bekitken keshendi jospary negizinde júrgiziletinin atap kórsetti.
Ýniversitette jemqorlyqqa qarsy is-qimyl jónindegi keńes jumys isteidi. 2019 jyly QR Sybailas jemqorlyqqa qarsy is-qimyl agenttiginiń «Sanaly urpaq» jobalyq keńsesiniń usynysymen jol berilýi múmkin jemqorlyq kórinisteriniń aldyn alý, stýdent jastardyń jemqorlyqqa qarsy dúnietanymy men mádenietin, izgiligin qalyptastyrý maqsatymen ýniversitette «Parasat» ortalyǵy quryldy. Bul ortalyqtyń bastamasymen halyqaralyq ISO 37001-2016 standartyna jemqorlyqqa qarsy is-qimyl jónindegi menedjment júiesi engizildi.
Stýdentterdiń jemqorlyqqa qarsy is-qimyl mádenietin qalyptastyrý maqsatymen bakalavriattyń 2-3 kýrstaryna elektivti pán retinde «Quqyq jáne jemqorlyqqa qarsy is-qimyl mádenieti» páni oqý baǵdarlamasyna engizildi. Tarih jáne quqyq institýtynyń diplom jumystaryna, magistrlik jáne doktorlyq disertatsiialaryna jemqorlyqqa qarsy is-qimyl máselelerine arnalǵan jańa taqyryptar engizildi. Bilim alýshylardyń diplomdyq jumystaryn, disertatsiialaryn, oqytýshylardyń ǵylymi maqalalaryn «Antiplagiat» arnaýly baǵdarlamasy boiynsha teserý júiesi jumys istei bastady.
Rektor Darhan Bilálov óz sózinde sybailas jemqolyqqa qarsy budan basqa da kóptegen igilikti is-sharalar júzege asyrylyp jatqanyn atap kórsetti.
Almaty qalasy boiynsha sybailas jemqorlyqqa qarsy is-qimyl Departamentiniń basshysy Murat Ahmetov Abai atyndaǵy Qazaq ulttyq pedagogikalyq ýniversitetiniń atalǵan saladaǵy jumysyna qanaǵattanǵandyq sezimin bildirip, rektor Darhan Bilálovqa alǵysyn aitty.
Rektor Darhan Bilálov pen Departament basshysy Murat Ahmetov sybailas jemqorlyqqa qarsy is-qimyl josparyna qol qoidy.
Kezdesýge Almaty qalasy boiynsha sybailas jemqorlyqqa qarsy is-qimyl departamentiniń , «Sanaly urpaq» respýblikalyq jobalyq keńsesiniń , Abai ýniversitetindegi «Parasat» ortalyǵynyń qyzmetkerleri qatysty.
Myrzahan AHMETOV, Abai atyndaǵy QazUPÝ Qoǵammen bailanys bóliminiń bastyǵy,
