Qaraǵandy oblysynda poiyz ben jeńil kólik soqtyǵysyp, saldarynan úsh adam qaza tapty, - dep habarlaidy Dalanews.kz.
17 qyrkúiekte saǵat 00:54-te Aqadyr – Qaraǵandy ýchaskesi Jaryq-Dariia aralyǵyndaǵy temirjol ótkelinde 92 km/saǵ jyldamdyqpen júrip kele jatqan jolaýshylar poiyzynyń mashinisi Mazda markaly jeńil kólik jolǵa shyǵýyna bailanysty shuǵyl tejegen.
"Alaida jol apatynyń aldyn alý múmkin bolmady. Kólik júrgizýshisi men eki jolaýshy aýyr jaraqattan kóz jumdy. Bul oqiǵa týraly aqparat quqyq qorǵaý organdaryna berildi", - dedi QTJ ókilderi.
"QTJ "UK" AQ qaza tapqandardyń týystary men jaqyndaryna kóńil aityp, jol qozǵalysynyń qatysýshylaryn temirjol ótkelderiniń erejelerin qatań saqtaýǵa shaqyrady.
