Kýágerler qoima órtenip jatqanyn habarlaýda. Olardyń aitýynsha, Taraz mańynda áskeri qoima órtengen. «Tarazǵa barar jolda áskeri qoima órtenip jatyr. Kólikte soqqy tolqyny sezildi» deidi kýáger.
Óz kezeginde Qorǵanys ministrligi ókilderi oqiǵany rastap, órt sóndirilip jatqanyn málimdedi.
– Jambyl oblysy Baizaq aýdanynda ornalasqan áskeri bólimde saǵat 19.00 shamasynda qoimalardyń biriniń janynda órt shyqty. Órt saldarynan belgilenbegen zattar jaryldy. Órtti sóndirýge bólimniń órt sóndirý komandalary, shynjyr tabandy órt sóndirý mashinalary tartyldy. Olarǵa Jambyl oblysy boiynsha TJD órt sóndirýshileri kómek kórsetip jatyr, – dep habarlady ministrliktiń baspasóz qyzmeti.
Qazir órt oshaǵyn joiý jalǵasyp jatyr. Órttiń shyǵý sebepteri anyqtalatyn bolady.
«Oqiǵa ornyna ministrdiń orynbasary general-leitenant Rýslan Shpekbaevtiń basshylyǵymen Qorǵanys ministrliginiń komissiiasy jiberildi» dep tolyqtyrdy vedomstvo.
Eske salaiyq, 2019 jyldyń naýryz aiynda Arys qalasyndaǵy qoimada jarylǵysh zattar janyp, ýtilizatsiialanǵan oq-dáriler jarylǵan edi. Oqiǵa saldarynan úsh adam qaza taýyp, taǵy 17 adam jaraqat aldy.
Qoimadaǵy jarylystyń sebebi - durys saqtamaý jáne jarylys qaýpi bar zattarmen jumys isteý.
