Qazaqstan Prezidenti Qasym-Jomart Toqaev Qazaqstannyń halyq artisi, teatr jáne kino akteri, rejisser Doshan Joljaqsynovty 75 jasqa tolýymen quttyqtady.
Memleket basshysynyń quttyqtaýyn Almaty qalasynyń ákimi Darhan Satybaldy mereitoi iesine jetkizdi.
Prezident óz quttyqtaýynda Doshan Joljaqsynovtyń ulttyq mádeniet pen ónerdiń damýyna qosqan úlesine, kóp jylǵy shyǵarmashylyq eńbegine erekshe toqtalǵan.
"Siz saliqaly ǵumyryńyzdy ult rýhaniiatyn ulyqtaýǵa arnap, úzdiksiz shyǵarmashylyq izdenisterińiz arqyly zor jetistikke qol jetkizdińiz. Dástúr sabaqtastyǵyn saqtap, izbasar shákirtterińizdi tárbielep kelesiz", – delingen Memleket basshysynyń quttyqtaýynda.
Doshan Joljaqsynov sanaly ǵumyryn teatr men kino ónerine arnap, kóptegen este qalarlyq obrazdy somdady. Sonymen qatar rejisser retinde de otandyq kinematografiiaǵa úles qosyp, birqatar film túsirdi.
Almaty ákimi Darhan Satybaldy mereitoi iesine zor densaýlyq, uzaq ǵumyr, otbasyna amandyq jáne shyǵarmashylyq tabys tiledi.
