قازاقستان پرەزيدەنتٸ قاسىم-جومارت توقاەۆ قازاقستاننىڭ حالىق ارتيسٸ, تەاتر جەنە كينو اكتەرٸ, رەجيسسەر دوسحان جولجاقسىنوۆتى 75 جاسقا تولۋىمەن قۇتتىقتادى.
مەملەكەت باسشىسىنىڭ قۇتتىقتاۋىن الماتى قالاسىنىڭ ەكٸمٸ دارحان ساتىبالدى مەرەيتوي يەسٸنە جەتكٸزدٸ.
پرەزيدەنت ٶز قۇتتىقتاۋىندا دوسحان جولجاقسىنوۆتىڭ ۇلتتىق مەدەنيەت پەن ٶنەردٸڭ دامۋىنا قوسقان ٷلەسٸنە, كٶپ جىلعى شىعارماشىلىق ەڭبەگٸنە ەرەكشە توقتالعان.
"سٸز ساليقالى عۇمىرىڭىزدى ۇلت رۋحانيياتىن ۇلىقتاۋعا ارناپ, ٷزدٸكسٸز شىعارماشىلىق ٸزدەنٸستەرٸڭٸز ارقىلى زور جەتٸستٸككە قول جەتكٸزدٸڭٸز. دەستٷر ساباقتاستىعىن ساقتاپ, ٸزباسار شەكٸرتتەرٸڭٸزدٸ تەربيەلەپ كەلەسٸز", – دەلٸنگەن مەملەكەت باسشىسىنىڭ قۇتتىقتاۋىندا.
دوسحان جولجاقسىنوۆ سانالى عۇمىرىن تەاتر مەن كينو ٶنەرٸنە ارناپ, كٶپتەگەن ەستە قالارلىق وبرازدى سومدادى. سونىمەن قاتار رەجيسسەر رەتٸندە دە وتاندىق كينەماتوگرافيياعا ٷلەس قوسىپ, بٸرقاتار فيلم تٷسٸردٸ.
الماتى ەكٸمٸ دارحان ساتىبالدى مەرەيتوي يەسٸنە زور دەنساۋلىق, ۇزاق عۇمىر, وتباسىنا اماندىق جەنە شىعارماشىلىق تابىس تٸلەدٸ.
