كۋاگەرلەر قويما ورتەنىپ جاتقانىن حابارلاۋدا. ولاردىڭ ايتۋىنشا، تاراز ماڭىندا اسكەري قويما ورتەنگەن. «تارازعا بارار جولدا اسكەري قويما ورتەنىپ جاتىر. كولىكتە سوققى تولقىنى سەزىلدى» دەيدى كۋاگەر.
ءوز كەزەگىندە قورعانىس مينيسترلىگى وكىلدەرى وقيعانى راستاپ، ءورت ءسوندىرىلىپ جاتقانىن مالىمدەدى.
– جامبىل وبلىسى بايزاق اۋدانىندا ورنالاسقان اسكەري بولىمدە ساعات 19.00 شاماسىندا قويمالاردىڭ ءبىرىنىڭ جانىندا ءورت شىقتى. ءورت سالدارىنان بەلگىلەنبەگەن زاتتار جارىلدى. ءورتتى سوندىرۋگە ءبولىمنىڭ ءورت ءسوندىرۋ كوماندالارى، شىنجىر تاباندى ءورت ءسوندىرۋ ماشينالارى تارتىلدى. ولارعا جامبىل وبلىسى بويىنشا تجد ءورت سوندىرۋشىلەرى كومەك كورسەتىپ جاتىر، – دەپ حابارلادى مينيسترلىكتىڭ باسپا ءسوز قىزمەتى.
ءقازىر ءورت وشاعىن جويۋ جالعاسىپ جاتىر. ءورتتىڭ شىعۋ سەبەپتەرى انىقتالاتىن بولادى.
«وقيعا ورنىنا ءمينيستردىڭ ورىنباسارى گەنەرال-لەيتەنانت رۋسلان شپەكبايەۆتىڭ باسشىلىعىمەن قورعانىس مينيسترلىگىنىڭ كوميسسياسى جىبەرىلدى» دەپ تولىقتىردى ۆەدومستۆو.
ەسكە سالايىق، 2019 جىلدىڭ ناۋرىز ايىندا ارىس قالاسىنداعى قويمادا جارىلعىش زاتتار جانىپ، ۋتيليزاسيالانعان وق-دارىلەر جارىلعان ەدى. وقيعا سالدارىنان ءۇش ادام قازا تاۋىپ، تاعى 17 ادام جاراقات الدى.
قويماداعى جارىلىستىڭ سەبەبى - دۇرىس ساقتاماۋ جانە جارىلىس ءقاۋپى بار زاتتارمەن جۇمىس ىستەۋ.
