Almatyda Qala kúnine oraı 200-den astam is-shara ótedi. Merekelik baǵdarlamalar megapolıstiń barlyq segiz aýdanynda uıymdastyrylady. Ortalyq alańdarda úlken sahna ornatylyp, tanymal artıser óner kórsetedi. Ashyq aspan astyndaǵy barlyq konsert pen mádenı baǵdarlamaǵa kirý tegin. Negizgi merekelik is-sharalar 18-21 qyrkúıek aralyǵynda ótedi, dep habarlaıdy Dalanews.kz.
Merekelik is-sharalar aıasynda orkestrler, teatr artıseri, tanymal ánshiler qala ishinde arnaıy avtobýspen júrip ótedi. Olar aıaldamalarǵa, kópqabatty úılerdiń aýlasyna jáne ashyq alańdarǵa toqtap, turǵyndardy performanspen tańǵaldyrady. Artıser metro jolaýshylaryna da tosynsyı daıyndaǵan: vagon ishinde, beketterde tanymal artıser erekshe shaǵyn-shoý kórsetedi, sondaı-aq beketterde Qala kúnine arnalǵan arnaıy kórme uıymdastyrylady.
Joǵary klasıkalyq mýzyka men ulttyq dástúrli ónerdiń naǵyz jankúıerlerine de aıryqsha kóńil bólindi – merekelik baǵdarlama dál osy jobalardan bastaý alady. Sonymen qatar jas ári tanymal oryndaýshylar men halyq artıserierekshe shyǵarmashylyq kollaborasıa usynbaqshy. Aıta keteıik, shahar turǵyndary Qala kúnin jyl saıyn qyrkúıektiń úshinshi jeksenbisinde atap ótedi.
18 qyrkúıek kúni saǵat 19:00-de Respýblıka saraıynyń aldyndaǵy Abaı alańynda «Mura» atty klasıkalyq mýzyka keshi ótedi. Ashyq aspan astyndaǵy sahnada álemdik jáne qazaq klasıkasynyń jaýharlary – Shtraýs pen Pýchchınıden bastap, Abaı men Hasanǵalıevtińtýyndylar oryndalady. Kórermenderge jetekshi opera ánshileri, hor jáne balet artıseri ónerikórsetedi. Bul keshte aryndy arıalar, ıirimi tereń romanstar oryndalyp, mereke úzdik daýysıeleriniń sherýine ulasady. Eýropalyq náziktik pen ulttyq mýzykanyń baılyǵy toǵysqan konsertti tegin tamashalaı alasyzdar.
19 qyrkúıek kúni saǵat 18:00-de Respýblıka saraıynyń aldyndaǵy Abaı alańynda «Án qanatyndaǵy Almaty» atty dástúrli mýzyka keshi ótedi. Bul – rýh pen muranyń shynaıy saltanaty. Sahnaǵa qazaq dástúrli óneriniń ókilderi Ramazan Stamǵazıev, Sáýle Janpeıisova, Erkin Shúkimanov, Ardaq Isataeva jáne basqa da óner maıtalmandary, sondaı-aq «Sazgen sazy» fólklorlyq-etnografıalyq ansambli shyǵady. Artıser kórermenge án, terme, jyr men kúı usynylyp, qazaq halqynyń ulttyq mýzykalyq murasynyń sulýlyǵy men tereńdiginen syr shertedi. Bul halqymyzdyń álemdik órkenıetke qosqan orasan úlesi retinde kórinis tabady. İs-sharaǵa kirý tegin.
19 qyrkúıek kúni saǵat 19:30-da, Abaı alańynda «QAZAQSHA terapıa» zamanaýı ári jarqyn jobasy kórermenge «Ǵasyrlar úni» attyteatrlandyrylǵan konserttik spektákl usynady. Bul keshte árbir áýen ulttyq bolmysty oıatyp, ishki úılesimdilikke jeteleıdi. Joba avtorlary –belgili akter Áset Esjan jáne «Alataý» dástúrli óner teatrynyń artıseri. Ulttyq mádenıet pen zamanaýı kórkemdik sheshimder toǵysatyn bul shoý erekshe oqıǵaǵa aınalmaq. Artıser ár kórermengeulttyq ónerdiń bolashaqqa senimdi ári nyq qadam basyp kele jatqanyn biregeı formatta kórsetýdi maqsat etedi. İs-sharaǵa kirý tegin.
19 qyrkúıekte Backstreet Boys konserti bolady. Kúzdiń eń iri mádenı oqıǵalarynyń biri bolatyn bul sharaǵa shamamen 27 myń kórermen jınalady dep kútilýde. Konsert kezinde tártipti qadaǵalaý úshin 2100-den astam polısıa qyzmetkeri, 500 ulttyq gvardıa áskeri jáne 200 kúzetshi jumyldyrylady. İs-shara aldynda kınologtar aýmaqty tekserip, ınjenerlik jelilerdi baqylaýdan ótkizedi. Kórermender metal izdegish ramalar men skanerler arqyly kirgiziledi.
20 qyrkúıek kúni saǵat 18:00-de «Kóktóbe» saıabaǵynda «Kók-Tóbe Opera – 2025» halyqaralyq klasıkalyq mýzyka festıvali ótedi. Almatylyqtar men qala qonaqtary ulttyq mýzyka óneriniń jaýharlary men álemdik klasıkalyq ónerdiń altyn qoryna engen týyndylardy tyńdap, artıserdiń erekshe ónerin tamashalaı alady. İs-sharaǵa kirý tegin.
20 qyrkúıek kúni saǵat 16:30-da QBTÝ ǵımaraty aldyndaǵy Astana alańynda Almaty Cover Show atty aýqymdy mýzykalyq is-shara ótedi. Ánshiler 90-jyldar men 2000-jyldardyń hıtterin jańa úlgide oryndap, hıt-paradty baǵyndyrǵan zamanaýı ánderdi de usynady. Keshtiń basty hedlaıneri – Ninety One toby. Sondaı-aq,sahnada ADAM, GETTO DOGS, «Azıa» toby, Baqyt Shadaeva, Qali, MATIN, Zarına Omarova, Arman Qońyr men Asha Mataı, Erlan Kókeev, Seıfýllın Jolbarys, Jeńis Ysqaqova, Jazıra men Janbolat, Móldir Áýelbekova, Baǵym Muhıtdenova, Toqtar men Beıbit, Muhtar Hanzada jáne basqa da kóptegen tanymal ánshiler óner kórsetedi. Almaty Cover Show – klasıka, retro jáne zamanaýı áýender toǵysqan naǵyz mýzykalyq marafon. İs-sharaǵa kirý tegin.
20-21 qyrkúıek kúnderi saǵat 10:00-den 18:00-ge deıin Almatynyń Arbatynda jyl saıynǵy KitapFest festıvali ótedi. Bul baspalardy, jazýshylar men myńdaǵan oqyrmannyń basyn qosatyn eń iri ádebı oqıǵa. Alpysqa jýyq baspa men kitap dúkenderi qatysatyn jármeńkede qonaqtar kitaptardy jeńildikpen satyp alyp, jańa basylymdarmen tanysyp, avtorlarmen tildese alady. Merekelik atmosferany zamanaýı ınteraktıvti aımaqtar tolyqtyrady: TrendZone – TikTok, Instagram jáne YouTube stılinde, al Estelik Zone – «Er Tóstik», «Alısa ǵajaıyptar elinde», «Dúna», «Karıb teńiziniń qaraqshylary» jáne basqa da ańyzǵa aınalǵan shyǵarmalar jelisimen jasalǵan fotolokasıalar usynylady. Balalar úshin qyzyqty kvestter daıyndalǵan: «Muzdy ólke» («Holodnoe serdse»), «Qyzyl telpek», qazaq ertegisi «Qoshqar men Teke: Joǵalǵan qazyna» jáne «Shokolad fabrıkasynyń qupıalary» jelisi boıynsha. KitapFest – bul jaı ǵana kitap jármeńkesi emes, bul – eki kúnge sozylatyn otbasylyq zamanaýı shyǵarmashylyq alańy. İs-sharaǵa kirý tegin.
21 qyrkúıek kúni saǵat 10:30-da QBTÝ ǵımaraty aldyndaǵy Astana alańynda merekelik konsert bastalady. Sahnada Roza Rymbaeva, ańyzǵa aınalǵan «Dos-Muqasan» ansambli, Zarına Altynbaeva, Jámıla Serkebaeva, Birjan Hasanǵalıev, Baýyrjan Mýsın, Arýjan Danyshpan, Erlan Baınazarov, Álı Oqapov pen Mádı Rymbaev, Il canto kvarteti, «JasStars» toby, «Jańa tolqyn-2025» baıqaýynyń jeńimpazy Aleksandr Lım, Dıana men Alen Samykenovter, Tólegen Rahymbaev jáne basqa da artıser óner kórsetedi. İs-sharaǵa kirý tegin.
21 qyrkúıek kúni saǵat 17:00-de QBTÝ aldyndaǵy Astana alańynda «Aspan FM» mýzykalyq festıvali bastalady. Qala kúnine oraı kópshiliktiń súıikti radıostansıasy – «Aspan FM» jáne qala ákimdigi tanymal artısermen birge almatylyqtar men qala qonaqtaryna umytylmas kóńil-kúı syılaıdy. Festıvál barysynda artıser qyzyl kilem ústimen júrip ótedi. Sahnada Qaırat Nurtas, TURAR, 6ellucci, «MýzArt» toby, Búrkit pen Aısha, Medeý Arynbaev, Tamara Asar, Qurmash Mahanov, Baǵlan Ábdiraıymov, Keńes Álimjan, BYTANAT, Erkesh Hasen, Aqylbek Jemeneı, Alan Cherkasov, Ashat Tarǵyn, Ómirqul Aınıazov, Zattybek Kópbosynuly, Raıym Ýaıs, INJU, Ázız Baltabekuly, Uljan Aǵlaqova, Jánibek Besterek, DARO, Aıan Baıjigit, DONY, Asyl Ulyqman, Erbolat Erjanbaev, Gúlnur Orazymbetova, Aqbota Kerimbekova, Baqyt Turman, sondaı-aq «MýzArt Laıf», «JasStars», «Alashuly» toptary jáne basqa da tanymal oryndaýshylar óner kórsetedi. FK KAIRAT balalar horynyń sahnaǵa shyǵyp, áıgili ártistermen birge óner kórsetýi keshtiń kórigin qyzdyrmaq. İs-sharaǵa kirý tegin.
21 qyrkúıek kúni saǵat 10:00-den 19:00-ge deıin Panfılov jaıaý júrginshiler kóshesinde aýqymdy Digital Fest Almaty sıfrlyq festıvali ótedi. Mádenıet salasyndaǵy mádenı is-sharalardy uıymdastyrý men ótkizý barysynda jasandy ıntellekt quraldary kún sanap keńinen qoldanylyp keledi, al mundaı mereke qala turǵyndaryn jańa sıfrlyq sheshimdermen tanystyratyn biregeı alańǵa aınalýda. Bıyl da dástúrge saı Panfılov kóshesi ınovasıa ortalyǵyna aınalyp, árbir jan sıfrlandyrýdyń múmkindikterin kórip, sezine alady. Qonaqtardy «Bolashaq sferasy», «Sıfrlyq alma», VR-kózildirigi arqyly túrli oıyndar, «Kaleıdoskop» fotozonasy jáne basqa da qyzyqty digital-alańdar kútedi. Panfılov kóshesinde robot-sýretshiqonaqtardyń portretterin salady, robot-fotograf pen robot-operator merekelik atmosferany naqty ýaqyt rejıminde túsirip otyrady. Osyndaı sıfrlyq keıipkerler festıváldi kórneki ǵana emes, barynsha ınteraktıvti etedi. Festıvál otbasyny, jastar men tehnologıa salasynyń mamandaryn jáne búginnen-aq bolashaq álemine qadam jasaǵysy keletinderdi biriktiredi. İs-sharaǵa kirý tegin.
21 qyrkúıek kúni saǵat 10:00-den 21:00-ge deıin Tuńǵysh Prezıdent saıabaǵynda «Alma Fest – 2025»alma festıvali ótedi. Dástúr boıynsha saıabaq aýmaǵy molshylyq pen ulttyq dástúrlerdiń aýqymdy merekesine aınalady. Qonaqtar úshin alma jármeńkesi, etnoaımaq, qolóner jáne gastronomıalyq alańdar, balmuzdaq festıvali, ashyq aspan astyndaǵy kınoteatr jáne basqa da qyzyqty is-shara uıymdastyrylady. Fermerler 100 tonna alma alyp keledi.
Kúni boıy DJ Dimash, DJ Angel, DJ Akhmetoff jáne DJ Big Boy syndy tanymal dıdjeıler áýenmen árleıdi. Merekeniń sharyqtaý shegi úlken konsertti aıtýǵa bolady. Sahnada Álı Oqapov, QANAY, Erkesh Hasen, Royals Band, Talisman Band, ADEMI, BONAPART, ASTRA, Akimmich, Kesh You, Aya Funk, COLORIT, IONE jáne From.KZ óner kórsetedi.
Alma Fest – mýzyka, dástúr, gastronomıa jáne ashyq aspan astyndaǵy otbasylyq demalysty toǵystyratyn kúzdiń eń jarqyn oqıǵalarynyń biri bolmaq. İs-sharaǵa kirý tegin.
21 qyrkúıek kúni saǵat 12:00 men 15:00-de Tuńǵysh Prezıdent saıabaǵynda almatylyqtar men qala qonaqtaryn áserli sırk shoýy kútedi. Ol úshin saıabaqta arnaıy Shapıto ornatylady. Akrobattar, áýe gımnasttary, jonglerler, sheber ekvılıbrıser jáne kóńildi saıqymazaqtar óner kórsetip, kórermenderge kóterińki kóńil-kúı syılaıdy. Bıletterdi is-shara kúni shatyr janyndaǵy kasadan alýǵa bolady. Baǵasy –3000–4000 teńge aralyǵynda.
Jalpy, Almatyda Qala kúni aıasynda qalanyń barlyq aýdanynda ekologıalyq aksıa, jalpyqalalyq senbilik, fleshmob, ár kitaphanada ádebı kesh, mýzeılerde taqyryptyq kórme ótedi. Budan bólek, áleýmettik mańyzy bar nysandardyń ashylýy, sporttyq jarystar, mádenı jáne qoǵamdyq is-sharalar uıymdastyrylady.
