الماتىدا قالا كۇنىنە وراي 200-دەن استام ءىس-شارا وتەدى. مەرەكەلىك باعدارلامالار مەگاپوليستىڭ بارلىق سەگىز اۋدانىندا ۇيىمداستىرىلادى. ورتالىق الاڭداردا ۇلكەن ساحنا ورناتىلىپ، تانىمال ارتيستەر ونەر كورسەتەدى. اشىق اسپان استىنداعى بارلىق كونسەرت پەن مادەني باعدارلاماعا كىرۋ تەگىن. نەگىزگى مەرەكەلىك ءىس-شارالار 18-21 قىركۇيەك ارالىعىندا وتەدى، دەپ حابارلايدى Dalanews.kz.
مەرەكەلىك ءىس-شارالار اياسىندا وركەسترلەر، تەاتر ارتيستەرى، تانىمال انشىلەر قالا ىشىندە ارنايى اۆتوبۋسپەن ءجۇرىپ وتەدى. ولار ايالدامالارعا، كوپقاباتتى ۇيلەردىڭ اۋلاسىنا جانە اشىق الاڭدارعا توقتاپ، تۇرعىنداردى پەرفورمانسپەن تاڭعالدىرادى. ارتيستەر مەترو جولاۋشىلارىنا دا توسىنسىي دايىنداعان: ۆاگون ىشىندە، بەكەتتەردە تانىمال ارتيستەر ەرەكشە شاعىن-شوۋ كورسەتەدى، سونداي-اق بەكەتتەردە قالا كۇنىنە ارنالعان ارنايى كورمە ۇيىمداستىرىلادى.
جوعارى كلاسسيكالىق مۋزىكا مەن ۇلتتىق ءداستۇرلى ونەردىڭ ناعىز جانكۇيەرلەرىنە دە ايرىقشا كوڭىل ءبولىندى – مەرەكەلىك باعدارلاما ءدال وسى جوبالاردان باستاۋ الادى. سونىمەن قاتار جاس ءارى تانىمال ورىنداۋشىلار مەن حالىق ارتيستەرىەرەكشە شىعارماشىلىق كوللابوراسيا ۇسىنباقشى. ايتا كەتەيىك، شاھار تۇرعىندارى قالا كۇنىن جىل سايىن قىركۇيەكتىڭ ءۇشىنشى جەكسەنبىسىندە اتاپ وتەدى.
18 قىركۇيەك كۇنى ساعات 19:00-دە رەسپۋبليكا سارايىنىڭ الدىنداعى اباي الاڭىندا «مۇرا» اتتى كلاسسيكالىق مۋزىكا كەشى وتەدى. اشىق اسپان استىنداعى ساحنادا الەمدىك جانە قازاق كلاسسيكاسىنىڭ جاۋھارلارى – شتراۋس پەن پۋچچينيدەن باستاپ، اباي مەن حاسانعالييەۆتىڭتۋىندىلار ورىندالادى. كورەرمەندەرگە جەتەكشى وپەرا انشىلەرى، حور جانە بالەت ارتيستەرى ونەرىكورسەتەدى. بۇل كەشتە ارىندى اريالار، ءيىرىمى تەرەڭ رومانستار ورىندالىپ، مەرەكە ۇزدىك داۋىسيەلەرىنىڭ شەرۋىنە ۇلاسادى. ەۋروپالىق نازىكتىك پەن ۇلتتىق مۋزىكانىڭ بايلىعى توعىسقان كونسەرتتى تەگىن تاماشالاي الاسىزدار.
19 قىركۇيەك كۇنى ساعات 18:00-دە رەسپۋبليكا سارايىنىڭ الدىنداعى اباي الاڭىندا «ءان قاناتىنداعى الماتى» اتتى ءداستۇرلى مۋزىكا كەشى وتەدى. بۇل – رۋح پەن مۇرانىڭ شىنايى سالتاناتى. ساحناعا قازاق ءداستۇرلى ونەرىنىڭ وكىلدەرى رامازان ستامعازييەۆ، ساۋلە جانپەيىسوۆا، ەركىن شۇكىمانوۆ، ارداق يساتايەۆا جانە باسقا دا ونەر مايتالماندارى، سونداي-اق «سازگەن سازى» فولكلورلىق-ەتنوگرافيالىق ءانسامبلى شىعادى. ارتيستەر كورەرمەنگە ءان، تەرمە، جىر مەن كۇي ۇسىنىلىپ، قازاق حالقىنىڭ ۇلتتىق مۋزىكالىق مۇراسىنىڭ سۇلۋلىعى مەن تەرەڭدىگىنەن سىر شەرتەدى. بۇل حالقىمىزدىڭ الەمدىك وركەنيەتكە قوسقان وراسان ۇلەسى رەتىندە كورىنىس تابادى. ءىس-شاراعا كىرۋ تەگىن.
19 قىركۇيەك كۇنى ساعات 19:30-دا، اباي الاڭىندا «QAZAQSHA تەراپيا» زاماناۋي ءارى جارقىن جوباسى كورەرمەنگە «عاسىرلار ءۇنى» اتتىتەاترلاندىرىلعان كونسەرتتىك سپەكتاكل ۇسىنادى. بۇل كەشتە ءاربىر اۋەن ۇلتتىق بولمىستى وياتىپ، ىشكى ۇيلەسىمدىلىككە جەتەلەيدى. جوبا اۆتورلارى –بەلگىلى اكتەر اسەت ەسجان جانە «الاتاۋ» ءداستۇرلى ونەر تەاترىنىڭ ارتيستەرى. ۇلتتىق مادەنيەت پەن زاماناۋي كوركەمدىك شەشىمدەر توعىساتىن بۇل شوۋ ەرەكشە وقيعاعا اينالماق. ارتيستەر ءار كورەرمەنگەۇلتتىق ونەردىڭ بولاشاققا سەنىمدى ءارى نىق قادام باسىپ كەلە جاتقانىن بىرەگەي فورماتتا كورسەتۋدى ماقسات ەتەدى. ءىس-شاراعا كىرۋ تەگىن.
19 قىركۇيەكتە Backstreet Boys كونسەرتى بولادى. كۇزدىڭ ەڭ ءىرى مادەني وقيعالارىنىڭ ءبىرى بولاتىن بۇل شاراعا شامامەن 27 مىڭ كورەرمەن جينالادى دەپ كۇتىلۋدە. كونسەرت كەزىندە ءتارتىپتى قاداعالاۋ ءۇشىن 2100-دەن استام پوليسيا قىزمەتكەرى، 500 ۇلتتىق گۆارديا اسكەرى جانە 200 كۇزەتشى جۇمىلدىرىلادى. ءىس-شارا الدىندا كينولوگتار اۋماقتى تەكسەرىپ، ينجەنەرلىك جەلىلەردى باقىلاۋدان وتكىزەدى. كورەرمەندەر مەتالل ىزدەگىش رامالار مەن سكانەرلەر ارقىلى كىرگىزىلەدى.
20 قىركۇيەك كۇنى ساعات 18:00-دە «كوكتوبە» ساياباعىندا «كوك-توبە وپەرا – 2025» حالىقارالىق كلاسسيكالىق مۋزىكا فەستيۆالى وتەدى. الماتىلىقتار مەن قالا قوناقتارى ۇلتتىق مۋزىكا ونەرىنىڭ جاۋھارلارى مەن الەمدىك كلاسسيكالىق ونەردىڭ التىن قورىنا ەنگەن تۋىندىلاردى تىڭداپ، ارتيستەردىڭ ەرەكشە ونەرىن تاماشالاي الادى. ءىس-شاراعا كىرۋ تەگىن.
20 قىركۇيەك كۇنى ساعات 16:30-دا قبتۋ عيماراتى الدىنداعى استانا الاڭىندا Almaty Cover Show اتتى اۋقىمدى مۋزىكالىق ءىس-شارا وتەدى. انشىلەر 90-جىلدار مەن 2000-جىلداردىڭ حيتتەرىن جاڭا ۇلگىدە ورىنداپ، حيت-پارادتى باعىندىرعان زاماناۋي اندەردى دە ۇسىنادى. كەشتىڭ باستى حەدلاينەرى – Ninety One توبى. سونداي-اق،ساحنادا ADAM، GETTO DOGS، «ازيا» توبى، باقىت شادايەۆا، Qali، MATIN، زارينا وماروۆا، ارمان قوڭىر مەن اشا ماتاي، ەرلان كوكەيەۆ، سەيفۋللين جولبارىس، جەڭىس ىسقاقوۆا، جازيرا مەن جانبولات، ءمولدىر اۋەلبەكوۆا، باعىم مۇحيتدەنوۆا، توقتار مەن بەيبىت، مۇحتار حانزادا جانە باسقا دا كوپتەگەن تانىمال انشىلەر ونەر كورسەتەدى. Almaty Cover Show – كلاسسيكا، رەترو جانە زاماناۋي اۋەندەر توعىسقان ناعىز مۋزىكالىق مارافون. ءىس-شاراعا كىرۋ تەگىن.
20-21 قىركۇيەك كۇندەرى ساعات 10:00-دەن 18:00-گە دەيىن الماتىنىڭ ارباتىندا جىل سايىنعى KitapFest فەستيۆالى وتەدى. بۇل باسپالاردى، جازۋشىلار مەن مىڭداعان وقىرماننىڭ باسىن قوساتىن ەڭ ءىرى ادەبي وقيعا. الپىسقا جۋىق باسپا مەن كىتاپ دۇكەندەرى قاتىساتىن جارمەڭكەدە قوناقتار كىتاپتاردى جەڭىلدىكپەن ساتىپ الىپ، جاڭا باسىلىمدارمەن تانىسىپ، اۆتورلارمەن تىلدەسە الادى. مەرەكەلىك اتموسفەرانى زاماناۋي ينتەراكتيۆتى ايماقتار تولىقتىرادى: TrendZone – TikTok، Instagram جانە YouTube ستيلىندە، ال Estelik Zone – «ەر توستىك»، «اليسا عاجايىپتار ەلىندە»، «ديۋنا»، «كاريب تەڭىزىنىڭ قاراقشىلارى» جانە باسقا دا اڭىزعا اينالعان شىعارمالار جەلىسىمەن جاسالعان فوتولوكاسيالار ۇسىنىلادى. بالالار ءۇشىن قىزىقتى كۆەستتەر دايىندالعان: «مۇزدى ولكە» («حولودنوە سەردسە»)، «قىزىل تەلپەك»، قازاق ەرتەگىسى «قوشقار مەن تەكە: جوعالعان قازىنا» جانە «شوكولاد فابريكاسىنىڭ قۇپيالارى» جەلىسى بويىنشا. KitapFest – بۇل جاي عانا كىتاپ جارمەڭكەسى ەمەس، بۇل – ەكى كۇنگە سوزىلاتىن وتباسىلىق زاماناۋي شىعارماشىلىق الاڭى. ءىس-شاراعا كىرۋ تەگىن.
21 قىركۇيەك كۇنى ساعات 10:30-دا قبتۋ عيماراتى الدىنداعى استانا الاڭىندا مەرەكەلىك كونسەرت باستالادى. ساحنادا روزا رىمبايەۆا، اڭىزعا اينالعان «دوس-مۇقاسان» ءانسامبلى، زارينا التىنبايەۆا، ءجاميلا سەركەبايەۆا، ءبىرجان حاسانعالييەۆ، باۋىرجان مۋسين، ارۋجان دانىشپان، ەرلان باينازاروۆ، ءالي وقاپوۆ پەن ءمادي رىمبايەۆ، Il canto كۆارتەتى، «جاسStars» توبى، «جاڭا تولقىن-2025» بايقاۋىنىڭ جەڭىمپازى الەكساندر ليم، ديانا مەن الەن سامىكەنوۆتەر، تولەگەن راحىمبايەۆ جانە باسقا دا ارتيستەر ونەر كورسەتەدى. ءىس-شاراعا كىرۋ تەگىن.
21 قىركۇيەك كۇنى ساعات 17:00-دە قبتۋ الدىنداعى استانا الاڭىندا «Aspan FM» مۋزىكالىق فەستيۆالى باستالادى. قالا كۇنىنە وراي كوپشىلىكتىڭ سۇيىكتى راديوستانسياسى – «Aspan FM» جانە قالا اكىمدىگى تانىمال ارتيستەرمەن بىرگە الماتىلىقتار مەن قالا قوناقتارىنا ۇمىتىلماس كوڭىل-كۇي سىيلايدى. فەستيۆال بارىسىندا ارتيستەر قىزىل كىلەم ۇستىمەن ءجۇرىپ وتەدى. ساحنادا قايرات نۇرتاس، TURAR، 6ellucci، «مۋزارت» توبى، بۇركىت پەن ايشا، مەدەۋ ارىنبايەۆ، تامارا اسار، قۇرماش ماحانوۆ، باعلان ءابدىرايىموۆ، كەڭەس ءالىمجان، BYTANAT، ەركەش حاسەن، اقىلبەك جەمەنەي، الان چەركاسوۆ، اسحات تارعىن، ءومىرقۇل اينيازوۆ، زاتتىبەك كوپبوسىن ۇلى، رايىم ۋايس، INJU، ءازيز بالتابەك ۇلى، ۇلجان اعلاقوۆا، جانىبەك بەستەرەك، DARO، ايان بايجىگىت، DONY، اسىل ۇلىقمان، ەربولات ەرجانبايەۆ، گۇلنۇر ورازىمبەتوۆا، اقبوتا كەرىمبەكوۆا، باقىت تۇرمان، سونداي-اق «مۋزارت لايف»، «JasStars»، «الاش ۇلى» توپتارى جانە باسقا دا تانىمال ورىنداۋشىلار ونەر كورسەتەدى. FK KAIRAT بالالار حورىنىڭ ساحناعا شىعىپ، ايگىلى ارتىستەرمەن بىرگە ونەر كورسەتۋى كەشتىڭ كورىگىن قىزدىرماق. ءىس-شاراعا كىرۋ تەگىن.
21 قىركۇيەك كۇنى ساعات 10:00-دەن 19:00-گە دەيىن پانفيلوۆ جاياۋ جۇرگىنشىلەر كوشەسىندە اۋقىمدى Digital Fest Almaty سيفرلىق فەستيۆالى وتەدى. مادەنيەت سالاسىنداعى مادەني ءىس-شارالاردى ۇيىمداستىرۋ مەن وتكىزۋ بارىسىندا جاساندى ينتەللەكت قۇرالدارى كۇن ساناپ كەڭىنەن قولدانىلىپ كەلەدى، ال مۇنداي مەرەكە قالا تۇرعىندارىن جاڭا سيفرلىق شەشىمدەرمەن تانىستىراتىن بىرەگەي الاڭعا اينالۋدا. بيىل دا داستۇرگە ساي پانفيلوۆ كوشەسى يننوۆاسيا ورتالىعىنا اينالىپ، ءاربىر جان سيفرلاندىرۋدىڭ مۇمكىندىكتەرىن كورىپ، سەزىنە الادى. قوناقتاردى «بولاشاق سفەراسى»، «سيفرلىق الما»، VR-كوزىلدىرىگى ارقىلى ءتۇرلى ويىندار، «كالەيدوسكوپ» فوتوزوناسى جانە باسقا دا قىزىقتى digital-الاڭدار كۇتەدى. پانفيلوۆ كوشەسىندە روبوت-سۋرەتشىقوناقتاردىڭ پورترەتتەرىن سالادى، روبوت-فوتوگراف پەن روبوت-وپەراتور مەرەكەلىك اتموسفەرانى ناقتى ۋاقىت رەجيمىندە ءتۇسىرىپ وتىرادى. وسىنداي سيفرلىق كەيىپكەرلەر فەستيۆالدى كورنەكى عانا ەمەس، بارىنشا ينتەراكتيۆتى ەتەدى. فەستيۆال وتباسىنى، جاستار مەن تەحنولوگيا سالاسىنىڭ ماماندارىن جانە بۇگىننەن-اق بولاشاق الەمىنە قادام جاساعىسى كەلەتىندەردى بىرىكتىرەدى. ءىس-شاراعا كىرۋ تەگىن.
21 قىركۇيەك كۇنى ساعات 10:00-دەن 21:00-گە دەيىن تۇڭعىش پرەزيدەنت ساياباعىندا «Alma Fest – 2025»الما فەستيۆالى وتەدى. ءداستۇر بويىنشا ساياباق اۋماعى مولشىلىق پەن ۇلتتىق داستۇرلەردىڭ اۋقىمدى مەرەكەسىنە اينالادى. قوناقتار ءۇشىن الما جارمەڭكەسى، ەتنوايماق، قولونەر جانە گاسترونوميالىق الاڭدار، بالمۇزداق فەستيۆالى، اشىق اسپان استىنداعى كينوتەاتر جانە باسقا دا قىزىقتى ءىس-شارا ۇيىمداستىرىلادى. فەرمەرلەر 100 توننا الما الىپ كەلەدى.
كۇنى بويى DJ Dimash، DJ Angel، DJ Akhmetoff جانە DJ Big Boy سىندى تانىمال ديدجەيلەر اۋەنمەن ارلەيدى. مەرەكەنىڭ شارىقتاۋ شەگى ۇلكەن كونسەرتتى ايتۋعا بولادى. ساحنادا ءالي وقاپوۆ، QANAY، ەركەش حاسەن، Royals Band، Talisman Band، ADEMI، BONAPART، ASTRA، Akimmich، Kesh You، Aya Funk، COLORIT، IONE جانە From.KZ ونەر كورسەتەدى.
Alma Fest – مۋزىكا، ءداستۇر، گاسترونوميا جانە اشىق اسپان استىنداعى وتباسىلىق دەمالىستى توعىستىراتىن كۇزدىڭ ەڭ جارقىن وقيعالارىنىڭ ءبىرى بولماق. ءىس-شاراعا كىرۋ تەگىن.
21 قىركۇيەك كۇنى ساعات 12:00 مەن 15:00-دە تۇڭعىش پرەزيدەنت ساياباعىندا الماتىلىقتار مەن قالا قوناقتارىن اسەرلى سيرك شوۋى كۇتەدى. ول ءۇشىن ساياباقتا ارنايى شاپيتو ورناتىلادى. اكروباتتار، اۋە گيمناستتارى، جونگلەرلەر، شەبەر ەكۆيليبريستەر جانە كوڭىلدى سايقىمازاقتار ونەر كورسەتىپ، كورەرمەندەرگە كوتەرىڭكى كوڭىل-كۇي سىيلايدى. بيلەتتەردى ءىس-شارا كۇنى شاتىر جانىنداعى كاسسادان الۋعا بولادى. باعاسى –3000–4000 تەڭگە ارالىعىندا.
جالپى، الماتىدا قالا كۇنى اياسىندا قالانىڭ بارلىق اۋدانىندا ەكولوگيالىق اكسيا، جالپىقالالىق سەنبىلىك، فلەشموب، ءار كىتاپحانادا ادەبي كەش، مۋزەيلەردە تاقىرىپتىق كورمە وتەدى. بۇدان بولەك، الەۋمەتتىك ماڭىزى بار نىسانداردىڭ اشىلۋى، سپورتتىق جارىستار، مادەني جانە قوعامدىق ءىس-شارالار ۇيىمداستىرىلادى.
