پەكٸستان جاعالاۋىنا جاقىن اراب تەڭٸزٸندە K2 Airways ەۋە كومپانيياسىنا تيەسٸلٸ Boeing 737 جٷك ۇشاعى راداردان جوعالىپ كەتكەننەن كەيٸن ٸزدەۋ-قۇتقارۋ وپەراتسيياسى باستالدى, دەپ حابارلايدى dalanews.kz.
پەكٸستاننىڭ اۆياتسييا بيلٸگٸنٸڭ مەلٸمەتٸنشە, ۇشاق بٸرٸككەن اراب ەمٸرلٸكتەرٸنٸڭ شاردجا قالاسىنان كاراچيگە باعىت العان. بايلانىس ٷزٸلەر الدىندا ەكيپاج ديسپەتچەرلەرگە ناۆيگاتسييالىق جٷيەدە اقاۋ پايدا بولعانىن حابارلاعان. ارادا بٸرنەشە مينۋت ٶتكەن سوڭ Boeing بيٸكتٸگٸن كٷرت جوعالتا باستاعان.
قولدا بار اقپاراتقا سەيكەس, ۇشاق باعىتىن ٶزگەرتكەننەن كەيٸن ونىمەن بايلانىس ورمارا قالاسى ماڭىندا ٷزٸلگەن. بۇل ايماق كاراچيدەن باتىسقا قاراي شامامەن 287 شاقىرىم جەردە ورنالاسقان.
قازٸر ۇشاق جوعالۋى مٷمكٸن دەگەن اۋماقتا اۋقىمدى ٸزدەۋ جۇمىستارى جٷرٸپ جاتىر. وپەراتسيياعا قۇتقارۋ قىزمەتتەرٸ مەن ەسكەري كەمەلەر تارتىلعان. ەزٸرگە ۇشاقتىڭ اپاتقا ۇشىراعانى رەسمي تٷردە راستالعان جوق. وقيعانىڭ ناقتى سەبەپتەرٸ انىقتالىپ جاتىر.
Flightradar24 دەرەگٸنشە, سيگنال جوعالار الدىندا ۇشاق مينۋتىنا شامامەن 6,8 شاقىرىم جىلدامدىقپەن تٶمەندەگەن. بۇل Boeing ەۋەلدە جولاۋشىلار تاسىمالدايتىن ۇشاق رەتٸندە پايدالانىلعان. 1999 جىلدان باستاپ ول "اەروفلوت" ەۋە كومپانيياسىندا, كەيٸن Garuda Indonesia قۇرامىندا ۇشقان. 2012 جىلى جٷك ۇشاعىنا قايتا جابدىقتالىپ, 2024 جىلى K2 Airways كومپانيياسىنا بەرٸلگەن.
