جەتٸسۋ وبلىسى قۇرىلعاننان بەرٸ ٶڭٸردە 66 جاڭا ۆەتەرينارييالىق پۋنكت پەن 1 ۆەتەرينارييالىق ستانتسييا پايدالانۋعا بەرٸلدٸ. ال بيىل تاعى 16 ۆەتەرينارييالىق پۋنكت پەن 4 ۆەتەرينارييالىق ستانتسييانى ٸسكە قوسۋ جوسپارلانىپ وتىر. بۇل ٶڭٸردٸڭ ۆەتەرينارييالىق پۋنكتتەرگە دەگەنقاجەتتٸلٸگٸن تولىق قامتاماسىز ەتۋگە مٷمكٸندٸك بەرەدٸ, دەپ حابارلايدى dalanews.kz.
– بيىل اقسۋ, الاكٶل, ەسكەلدٸ, كٶكسۋ, قاراتال, كەربۇلاق, سارقان جەنە پانفيلوۆ اۋداندارىندا مال ۇستايتىن قورشاۋلارىمەن بٸرگە 16 ۆەتەرينارييالىق پۋنكت جەنە 4 ۆەتەرينارييالىق ستانتسييا ورناتىلادى. وسىلايشا ٶڭٸردٸڭ ۆەتەرينارييالىق پۋنكتتەرگە دەگەن قاجەتتٸلٸگٸ تولىق قامتاماسىز ەتٸلەدٸ. سونداي-اق وبلىس قۇرىلعاننان بەرٸ ۆەتەرينارييالىق مەكەمەلەرگە 83 جاڭا اۆتوكٶلٸك بەرٸلدٸ, بۇل ۆەتەرينارييالىق قىزمەتتەردٸڭ موبيلدٸلٸگٸ مەن جۇمىس تيٸمدٸلٸگٸن ەدەۋٸر ارتتىردى, – دەدٸ وبلىستىق ۆەتەرينارييا باسقارماسى باسشىسىنىڭ ورىنباسارى دارحان ەبٸلباەۆ.
سونىمەن قاتار ٶڭٸردٸڭ ۆەتەرينارييالىق قىزمەتتەرٸنٸڭ ماتەريالدىق-تەحنيكالىق بازاسىن جاقسارتۋ ماقساتىندا اتالعان كەزەڭدە 100 فارماتسەۆتيكالىق توڭازىتقىش, 102 تەرموچەمودان, سونداي-اق ەلەكتر گەنەراتورلارى مەن باسقا دا قاجەتتٸ جابدىقتار ساتىپ الىندى. سونداي-اق سالا ماماندارى 217 كومپيۋتەر جيىنتىعىمەن جەنە 238 پلانشەتپەن قامتاماسىز ەتٸلدٸ, بۇل ولاردىڭ ەلەكتروندىق دەرەكتەر بازاسىنا جەدەل اقپارات ەنگٸزۋ جۇمىسىن جەدەلدەتٸپ, جەڭٸلدەتتٸ. ايتا كەتسەك, بٷگٸنگٸ تاڭدا وبلىستا 2,8 ميلليوننان استام اۋىل شارۋاشىلىعى جانۋارى سەيكەستەندٸرٸلٸپ, بٸرىڭعاي اقپاراتتىق بازاعا ەنگٸزٸلگەن. بۇل قازٸرگٸ ۋاقىتتاعى مال باسىنىڭ جالپى سانى.
ماتەريالدىق-تەحنيكالىق بازانى جەنە قىزمەتكەرلەردٸڭ ەڭبەك جاعدايلارىن جاقسارتۋمەن قاتار ٶڭٸردە كادرلىق ەلەۋەتتٸ نىعايتۋ باعىتىندا دا شارالار قابىلدانۋدا. اتاپ ايتقاندا, قازٸرگٸ تاڭدا ٶڭٸردٸڭ ۆەتەرينارييا سالاسىندا شامامەن شامامەن 1050 ادام جۇمىس ٸستەيدٸ, ونىڭ ٸشٸندە 820-ى – ۆەتەرينارييالىق ماماندار. سونىمەن قاتار سالا ماماندارىنىڭ جالاقىسى ەكٸ ەسەگە جۋىق ٶستٸ.
نەتيجەسٸندە بالپىق بي اۋىلىنداعى ۆەتەرينارييالىق پۋنكت ٶز قىزمەتٸن تابىستى جٷزەگە اسىرۋدا. ايتا كەتسەك, كٶكسۋ اۋدانىنىڭ بارلىق 10 اۋىلدىق وكرۋگٸ زاماناۋي ۆەتەرينارييالىق پۋنكتتەرمەن قامتاماسىز ەتٸلگەن.
– جىل باسىنان بەرٸ بٸرٸنشٸ جارتىجىلدىققا جوسپارلانعان دياگنوستيكا جەنە ۆاكتسيناتسييا جۇمىستارى تولىق ورىندالدى. قازٸرگٸ ۋاقىتتا جوسپارعا سەيكەس اۋىل شارۋاشىلىعى جانۋارلارىن پاستەرەللەزگە قارسى ۆاكتسيناتسييالاۋ جٷرگٸزٸلۋدە. اتاپ ايتقاندا, ماۋسىم ايىنىڭ باسىنان بەرٸ بٸزدٸڭ اۋىلدا 520 باس ٸرٸ قارا مالعا ۆاكتسينا سالىندى, – دەدٸ بالپىق بي اۋىلىنداعى ۆەتەرينارييالىق پۋنكتتٸڭ مەڭگەرۋشٸسٸ ەرٸك مايماقوۆ.
ايتا كەتۋ كەرەك, وبلىس بويىنشا جٷرگٸزٸلٸپ جاتقان جۇمىستارمەن قاتار كٶكسۋ اۋدانىندا دا ٶندٸرٸستٸك ۆەتەرينارييالىق ينفراقۇرىلىمنىڭ جاعدايى جاقسارۋدا. مەسەلەن, مۇسابەك اۋىلىندا جانۋارلاردى بەكٸتۋ جەنە قاراۋعا ارنالعان زاماناۋي الاڭنىڭ قۇرىلىسى جالعاسۋدا. بۇل كەشەن ۆاكتسيناتسييالاۋ, سىرعالاۋ, ۆەتەرينارييالىق تەكسەرۋلەر جەنە باسقا دا پروفيلاكتيكالىق ٸس-شارالار كەزٸندە ٸرٸ قارا, ۇساق مال جەنە جىلقىلاردى قاۋٸپسٸز وقشاۋلاۋعا ارنالعان. قۇرىلىستى كەلەسٸ ايدا اياقتاۋ جوسپارلانىپ وتىر. وسىنداي الاڭدار وبلىستىڭ سەگٸز اۋدانىنىڭ ەرقايسىسىندا ەكٸدەن سالىنادى.
سونىمەن قاتار بيىل ٶڭٸردە الاكٶل, ەسكەلدٸ, كٶكسۋ, سارقان جەنە پانفيلوۆ اۋداندارىندا 10 مال قورىمى سالىنادى. سونداي-اق سارقان جەنە پانفيلوۆ اۋداندارىنداعى 2 سويۋ الاڭى قورشالادى.
ٶڭٸردٸڭ ۆەتەرينارييا سالاسىندا جاسالىپ جاتقان جاعدايلارعا جەرگٸلٸكتٸ تۇرعىندار دا دەن ريزا, ٶيتكەنٸ ۆەتەرينارييالىق قىزمەتتەردٸڭ جۇمىسىنىڭ ساپاسىنا سٷت پەن ەتتٸڭ ساپاسى, دەمەك تۇرعىنداردىڭ دەنساۋلىعى تٸكەلەي بايلانىستى.
تەرەكتٸ اۋىلىنداعى جەكە قوسالقى شارۋاشىلىقتىڭ يەسٸ ورىمجان اسسەيننٸڭ ايتۋىنشا, ۋاقتىلى جٷرگٸزٸلەتٸن ۆاكتسيناتسييا ەلەۋلٸ شىعىنداردىڭ الدىن الۋعا مٷمكٸندٸك بەرەدٸ.
– مەنٸڭ شارۋاشىلىعىمدا 25 باس ٸرٸ قارا مال بار. ۆەتەرينارييالىق ماماندار پاستەرەللەزگە قارسى ۆاكتسيناتسييانى ۋاقىتىلى جٷرگٸزدٸ. بٸزدٸڭ ۆەتەرينارلار ەكپە جٷرگٸزٸلەتٸنٸ تۋرالى الدىن الا حابارلاپ, كەستەنٸ قاتاڭ ساقتايدى جەنە ٶز جۇمىسىنا جاۋاپكەرشٸلٸكپەن قارايدى. سونىڭ ارقاسىندا مالدىڭ دەنساۋلىعىنا الاڭدامايمىز, – دەدٸ ول.
جالپى, 2026 جىلى ٶڭٸردە پروفيلاكتيكالىق ٸس-شارالار اسا قاۋٸپتٸ 14 اۋرۋعا قارسى جٷرگٸزٸلۋدە. كٷيدٸرگٸگە, اۋسىلعا, پاستەرەللەزگە جەنە باسقا دا ينفەكتسييالارعا قارسى ۆاكتسيناتسييالاۋ جالعاسۋدا, سونداي-اق برۋتسەللەزگە دياگنوستيكالىق زەرتتەۋلەر جٷرگٸزٸلۋدە. جىل باسىنان بەرٸ ٶڭٸردە شامامەن 6,1 ميلليون باس اۋىل شارۋاشىلىعى جانۋارىنا ۆاكتسينا سالىندى. ۆەتەرينارييالىق قىزمەتتٸڭ كەشەندٸ جۇمىسى وبلىستاعى ەپيزووتييالىق جاعدايدىڭ تۇراقتىلىعىن ساقتاۋعا, ٶڭٸردٸڭ ۆەتەرينارييالىق قاۋٸپسٸزدٸگٸن قامتاماسىز ەتۋگە جەنە مال شارۋاشىلىعىن ودان ەرٸ دامىتۋعا قولايلى جاعداي جاساۋعا مٷمكٸندٸك بەرەدٸ.
جالپى, 2026–2030 جىلدارعا ارنالعان كەشەندٸ جوسپارعا سەيكەس, جەتٸسۋ وبلىسىندا 2030 جىلعا قاراي اۋىل شارۋاشىلىعى جانۋارلارىنىڭ سانىن 3,2 ميلليون باسقا دەيٸن جەتكٸزۋ جوسپارلانىپ وتىر.
