Jetisý oblysy qurylǵannan beri óńirde 66 jańa veterinariialyq pýnkt pen 1 veterinariialyq stantsiia paidalanýǵa berildi. Al biyl taǵy 16 veterinariialyq pýnkt pen 4 veterinariialyq stantsiiany iske qosý josparlanyp otyr. Bul óńirdiń veterinariialyq pýnktterge degenqajettiligin tolyq qamtamasyz etýge múmkindik beredi, dep habarlaidy dalanews.kz.
– Biyl Aqsý, Alakól, Eskeldi, Kóksý, Qaratal, Kerbulaq, Sarqan jáne Panfilov aýdandarynda mal ustaityn qorshaýlarymen birge 16 veterinariialyq pýnkt jáne 4 veterinariialyq stantsiia ornatylady. Osylaisha óńirdiń veterinariialyq pýnktterge degen qajettiligi tolyq qamtamasyz etiledi. Sondai-aq oblys qurylǵannan beri veterinariialyq mekemelerge 83 jańa avtokólik berildi, bul veterinariialyq qyzmetterdiń mobildiligi men jumys tiimdiligin edáýir arttyrdy, – dedi oblystyq veterinariia basqarmasy basshysynyń orynbasary Darhan Ábilbaev.
Sonymen qatar óńirdiń veterinariialyq qyzmetteriniń materialdyq-tehnikalyq bazasyn jaqsartý maqsatynda atalǵan kezeńde 100 farmatsevtikalyq tońazytqysh, 102 termochemodan, sondai-aq elektr generatorlary men basqa da qajetti jabdyqtar satyp alyndy. Sondai-aq sala mamandary 217 kompiýter jiyntyǵymen jáne 238 planshetpen qamtamasyz etildi, bul olardyń elektrondyq derekter bazasyna jedel aqparat engizý jumysyn jedeldetip, jeńildetti. Aita ketsek, búgingi tańda oblysta 2,8 millionnan astam aýyl sharýashylyǵy janýary sáikestendirilip, biryńǵai aqparattyq bazaǵa engizilgen. Bul qazirgi ýaqyttaǵy mal basynyń jalpy sany.
Materialdyq-tehnikalyq bazany jáne qyzmetkerlerdiń eńbek jaǵdailaryn jaqsartýmen qatar óńirde kadrlyq áleýetti nyǵaitý baǵytynda da sharalar qabyldanýda. Atap aitqanda, qazirgi tańda óńirdiń veterinariia salasynda shamamen shamamen 1050 adam jumys isteidi, onyń ishinde 820-y – veterinariialyq mamandar. Sonymen qatar sala mamandarynyń jalaqysy eki esege jýyq ósti.
Nátijesinde Balpyq bi aýylyndaǵy veterinariialyq pýnkt óz qyzmetin tabysty júzege asyrýda. Aita ketsek, Kóksý aýdanynyń barlyq 10 aýyldyq okrýgi zamanaýi veterinariialyq pýnkttermen qamtamasyz etilgen.
– Jyl basynan beri birinshi jartyjyldyqqa josparlanǵan diagnostika jáne vaktsinatsiia jumystary tolyq oryndaldy. Qazirgi ýaqytta josparǵa sáikes aýyl sharýashylyǵy janýarlaryn pasterellezge qarsy vaktsinatsiialaý júrgizilýde. Atap aitqanda, maýsym aiynyń basynan beri bizdiń aýylda 520 bas iri qara malǵa vaktsina salyndy, – dedi Balpyq bi aýylyndaǵy veterinariialyq pýnkttiń meńgerýshisi Erik Maimaqov.
Aita ketý kerek, oblys boiynsha júrgizilip jatqan jumystarmen qatar Kóksý aýdanynda da óndiristik veterinariialyq infraqurylymnyń jaǵdaiy jaqsarýda. Máselen, Musabek aýylynda janýarlardy bekitý jáne qaraýǵa arnalǵan zamanaýi alańnyń qurylysy jalǵasýda. Bul keshen vaktsinatsiialaý, syrǵalaý, veterinariialyq tekserýler jáne basqa da profilaktikalyq is-sharalar kezinde iri qara, usaq mal jáne jylqylardy qaýipsiz oqshaýlaýǵa arnalǵan. Qurylysty kelesi aida aiaqtaý josparlanyp otyr. Osyndai alańdar oblystyń segiz aýdanynyń árqaisysynda ekiden salynady.
Sonymen qatar biyl óńirde Alakól, Eskeldi, Kóksý, Sarqan jáne Panfilov aýdandarynda 10 mal qorymy salynady. Sondai-aq Sarqan jáne Panfilov aýdandaryndaǵy 2 soiý alańy qorshalady.
Óńirdiń veterinariia salasynda jasalyp jatqan jaǵdailarǵa jergilikti turǵyndar da dán riza, óitkeni veterinariialyq qyzmetterdiń jumysynyń sapasyna sút pen ettiń sapasy, demek turǵyndardyń densaýlyǵy tikelei bailanysty.
Terekti aýylyndaǵy jeke qosalqy sharýashylyqtyń iesi Orymjan Asseinniń aitýynsha, ýaqtyly júrgiziletin vaktsinatsiia eleýli shyǵyndardyń aldyn alýǵa múmkindik beredi.
– Meniń sharýashylyǵymda 25 bas iri qara mal bar. Veterinariialyq mamandar pasterellezge qarsy vaktsinatsiiany ýaqytyly júrgizdi. Bizdiń veterinarlar ekpe júrgiziletini týraly aldyn ala habarlap, kesteni qatań saqtaidy jáne óz jumysyna jaýapkershilikpen qaraidy. Sonyń arqasynda maldyń densaýlyǵyna alańdamaimyz, – dedi ol.
Jalpy, 2026 jyly óńirde profilaktikalyq is-sharalar asa qaýipti 14 aýrýǵa qarsy júrgizilýde. Kúidirgige, aýsylǵa, pasterellezge jáne basqa da infektsiialarǵa qarsy vaktsinatsiialaý jalǵasýda, sondai-aq brýtsellezge diagnostikalyq zertteýler júrgizilýde. Jyl basynan beri óńirde shamamen 6,1 million bas aýyl sharýashylyǵy janýaryna vaktsina salyndy. Veterinariialyq qyzmettiń keshendi jumysy oblystaǵy epizootiialyq jaǵdaidyń turaqtylyǵyn saqtaýǵa, óńirdiń veterinariialyq qaýipsizdigin qamtamasyz etýge jáne mal sharýashylyǵyn odan ári damytýǵa qolaily jaǵdai jasaýǵa múmkindik beredi.
Jalpy, 2026–2030 jyldarǵa arnalǵan Keshendi josparǵa sáikes, Jetisý oblysynda 2030 jylǵa qarai aýyl sharýashylyǵy janýarlarynyń sanyn 3,2 million basqa deiin jetkizý josparlanyp otyr.
