Aqtóbe oblysy Mártók aýdanynyń prokýratýrasy biýdjet qarajatynyń nysanaly ári tiimdi jumsalý zańdylyǵyn tekserý barysynda asa iri mólsherde sýbsidiialardy alaiaqtyq jolmen zańsyz alý faktilerin anyqtady, dep habarlaidy dalanews.kz.
«Tomiris-2019», «Martýk-2030» jáne «Tenge-2030» aýyl sharýashylyǵy óndiristik kooperativteriniń basshysy D.Qusmaǵambetova 2023 jyldan 2025 jylǵa deiingi kezeńde paidakúnemdik maqsatta kórineý jalǵan málimetterdi engizý arqyly alaiaqtyq jolmen sýbsidiialardy zańsyz alǵan, sonyń saldarynan memleketke asa iri mólsherde 91 mln teńgeden astam zalal keltirilgen.
Atalǵan fakti boiynsha aýdan prokýratýrasy Qylmystyq kodeksiniń 190-baby 4-bóliginiń 2) tarmaǵy boiynsha qylmystyq ister tirkelip, tergep-tekserý aiaqtalǵannan keiin Qusmaǵambetova sotqa berildi.
Mártók aýdandyq sotynyń úkimimen D.Qusmaǵambetova kináli dep tanylyp, kommertsiialyq uiymdarda basshylyq laýazymdardy atqarý quqyǵynan aiyra otyryp, 6 jyl 8 ai merzimge bas bostandyǵynan aiyrý jazasy taǵaiyndaldy.
Sottalǵan adamnyń kámeletke tolmaǵan balalarynyń bolýyna bailanysty jazany óteý keiinge qaldyryldy.
