Almatyda ál-Farabi dańǵylynyń Esentai Mall saýda oiyn-saýyq ortalyǵy mańyndaǵy bóliginde jol qozǵalysyn uiymdastyrý syzbasy ózgeredi, dep habarlaidy dalanews.kz.
Bul shara kólik qozǵalysyn rettep, jol qaýipsizdigin arttyrý jáne júrgizýshilerdiń jolaqtardy retsiz aýystyrýyna jol bermeý maqsatynda qolǵa alynǵan.
Buǵan deiin saýda ortalyǵynan shyqqan júrgizýshiler birden kórshiles jolaqtarǵa aýysa alatyn. Sonyń saldarynan birneshe kólik qatar manevr jasap, sol jaq shetki jolaqqa umtylatyn. Bul joldaǵy qozǵalys baiaýlaýyna jáne kólikter birkelki júrmeýine sebep bolǵan.
Endi soltústik baǵytta Úshkempirov kóshesinen Esentai ózenine deiingi aralyqta qozǵalys syzbasy rettelgen. Saýda ortalyǵynan shyqqan kólikterdiń birden jolaq aýystyrýyna shekteý qoiylyp, bul bólikte tutas jolaq syzyqtary syzylǵan.
Jańa tártip birneshe kólik bir ýaqytta manevr jasaýyn azaityp, kólik sanyn jolaqtarǵa birkelki bólýge jáne osy ýchaskedegi qozǵalysty jeńildetýge múmkindik beredi.
