Elimizde jumys istemeitin ári oqymaityn jastardyń úlesi - 5,8 paiyz, dep habarlaidy dalanews.kz.
Bul týraly Quryltai depýtaty Didarbek Dildábek aitty. Ulttyq statistika biýrosynyń resmi deregine sáikes elimizde eshbir jerde oqymaityn, jumys istemeitin (NEET sanatyndaǵy) 15 pen 34 jas aralyǵyndaǵy azamattardyń úlesi - 5,8 paiyz.
"100 myńnan asa tirkelgen jáne 300 myńnan asa ýaqytsha nemese jasyryn jumyssyz júrgen jas azamat. Bul top - destrýktiv qaterge beiim, osal orta. Elimizde jastardy áleýmettendirý máselesimen 235 jastar resýrs ortalyǵy jumys isteidi", - dedi depýtat.
Didarbek Dildábektiń aitýynsha, olardyń jumysynda kemshilikter bar ekeni ras.
"Jastar resýrs ortalyqtarynyń múmkindigi kóbine tek qalalyq belsendi jastar arasynda qalyp otyr. Aýyldyq jerler men qala mańyndaǵy osal toptar aqparattyq vakýýmda ómir súredi. Jastardyń basym bóligi tyǵyryqtan shyǵar joldy memlekettik baǵdarlamalarsyz, óz betinshe izdeýge májbúr", - dedi ol.
