Shymkentte estý qabileti buzylǵan sportshylar arasyndaǵy Qazaqstan chempiony Ádil Tilektes óndiristegi jazataiym oqiǵadan qaitys boldy. Marqum 28 jasta bolǵan. Oqiǵaǵa bailanysty politsiia qylmystyq is qozǵap, tergeý bastady, dep habarlaidy dalanews.kz.
Qaiǵyly jaǵdai keramikalyq plitka shyǵaratyn zaýytta bolǵan. Áleýmettik jelide marqumnyń dosy taratqan aqparatqa sáikes, Ádil Tilektes jumys barysynda elektr symyna tiip ketip, tok soqqan. Saldarynan biiktikten qulap ketken. Oqiǵa ornyna jetken jedel járdem qyzmetkerleri onyń ómirin aman alyp qala almady.
Oqiǵa 12 qyrkúiekte bolǵan. Aldyn ala málimet boiynsha, sportshy óndiris ornynda jumys istep júrgen kezde tokqa túsip, aýyr jaraqat alǵan.
Qazir politsiia oqiǵanyń naqty sebepteri men mán-jaiyn anyqtap jatyr.
Ádil Tilektes sportta da eleýli jetistikterge jetken. Ol 2018 jyly Aqtóbede ótken II Qazaqstan spartakiadasynda 55 kelige deiingi salmaq dárejesinde chempion atanǵan. Al 2019 jyly Qostanaida ótken el birinshiliginde 60 kelige deiingi salmaqta altyn medal jeńip alǵan.
Marqumnyń artynda jubaiy men eki balasy qaldy.
