شىمكەنتتە ەستۋ قابٸلەتٸ بۇزىلعان سپورتشىلار اراسىنداعى قازاقستان چەمپيونى ەدٸل تٸلەكتەس ٶندٸرٸستەگٸ جازاتايىم وقيعادان قايتىس بولدى. مارقۇم 28 جاستا بولعان. وقيعاعا بايلانىستى پوليتسييا قىلمىستىق ٸس قوزعاپ, تەرگەۋ باستادى, دەپ حابارلايدى dalanews.kz.
قايعىلى جاعداي كەراميكالىق پليتكا شىعاراتىن زاۋىتتا بولعان. ەلەۋمەتتٸك جەلٸدە مارقۇمنىڭ دوسى تاراتقان اقپاراتقا سەيكەس, ەدٸل تٸلەكتەس جۇمىس بارىسىندا ەلەكتر سىمىنا تيٸپ كەتٸپ, توك سوققان. سالدارىنان بيٸكتٸكتەن قۇلاپ كەتكەن. وقيعا ورنىنا جەتكەن جەدەل جەردەم قىزمەتكەرلەرٸ ونىڭ ٶمٸرٸن امان الىپ قالا المادى.
وقيعا 12 قىركٷيەكتە بولعان. الدىن الا مەلٸمەت بويىنشا, سپورتشى ٶندٸرٸس ورنىندا جۇمىس ٸستەپ جٷرگەن كەزدە توكقا تٷسٸپ, اۋىر جاراقات العان.
قازٸر پوليتسييا وقيعانىڭ ناقتى سەبەپتەرٸ مەن مەن-جايىن انىقتاپ جاتىر.
ەدٸل تٸلەكتەس سپورتتا دا ەلەۋلٸ جەتٸستٸكتەرگە جەتكەن. ول 2018 جىلى اقتٶبەدە ٶتكەن II قازاقستان سپارتاكياداسىندا 55 كەلٸگە دەيٸنگٸ سالماق دەرەجەسٸندە چەمپيون اتانعان. ال 2019 جىلى قوستانايدا ٶتكەن ەل بٸرٸنشٸلٸگٸندە 60 كەلٸگە دەيٸنگٸ سالماقتا التىن مەدال جەڭٸپ العان.
مارقۇمنىڭ ارتىندا جۇبايى مەن ەكٸ بالاسى قالدى.
