Tanymal ázilkesh, akter Nursultan Jaqsygen 2 jyl 3 aiǵa bas bostandyǵynan aiyryldy, dep habarlaidy dalanews.kz.
Is Almaty oblysy Qarasai aýdandyq sotynda qaralǵan. Akterge QK-niń 274-baby 2-bóligi 3-tarmaǵy ("Onlain platformalardy paidalanyp kórineý jalǵan aqparat taratý" ) boiynsha qylmystyq is qozǵalǵan edi.
"Búgin akter ári bloger Nursultan Jaqsygenge sot úkimi shyqty. Sot ony 2 jyl 3 ai merzimge bas bostandyǵynan aiyrdy. Buǵan deiin memlekettik aiyptaýshy Nursultan Jaqsygendi 3 jylǵa bas bostandyǵynan aiyrýdy suraǵan edi. Is onyń burynǵy jubaiy Fariza Almasqyzymen aradaǵy daýǵa bailanysty qaraldy. Aiyptaý tarapy Nursultan Jaqsygen áleýmettik jelide burynǵy jubaiyna qatysty taratylǵan aqparat arqyly onyń ar-namysy men qadir-qasietine nuqsan keltirgenin alǵa tartqan. Al Nursultan Jaqsygen buǵan deiin keibir daýly jazbalar ózine qatysy joq ekenin, onyń atynan jalǵan paraqshalar ashylǵanyn málimdegen. Sot protsesiniń sońǵy otyrystary jabyq formatta ótti", - dep jazdy jýrnalist Rýslan Ótepbai.
Akterdiń burynǵy jubaiy Fariza Almasqyzy da sot úkimi shyqqanyn rastady.
"Nursultan Jaqsygen 2 jyl 3 aiǵa bas bostandyǵynan aiyryldy. Namysym qorǵalyp, aqtalyp shyqqanyma qýanyp turmyn. Sebebi óte úlken jala jabylǵan bolatyn. Aýyr júk túskendei boldy, jeńildep qaldym", dedi ol.
