Numbeo سەرۆيسٸ 2026 جىلدىڭ العاشقى جارتىجىلدىعىنا ارنالعان ەلەمدەگٸ ٶمٸر سٷرۋ قۇنى رەيتينگٸن جاڭارتتى. تٸزٸمگە ەلەمنٸڭ 547 قالاسى, ونىڭ ٸشٸندە الماتى مەن استانا دا ەندٸ, دەپ حابارلايدى dalanews.kz.
زەرتتەۋ قورىتىندىسىنا سەيكەس الماتى جالپى رەيتينگتە 409-ورىنعا جايعاسسا, استانا 469-ورىننان كٶرٸنگەن. بۇل الماتىدا ٶمٸر سٷرۋ قۇنى ەلورداعا قاراعاندا جوعارى ەكەنٸن كٶرسەتەدٸ.
رەيتينگتٸ جاساۋ كەزٸندە ازىق-تٷلٸك, دەمحانا مەن مەيرامحانا قىزمەتٸ, كٶلٸك, كوممۋنالدىق قىزمەتتەر جەنە كٷندەلٸكتٸ شىعىندار ەسەپكە الىنعان. ال تۇرعىن ٷي ساتىپ الۋ مەن يپوتەكا تٶلەمدەرٸ ەسكەرٸلمەگەن.
Numbeo مەلٸمەتٸنشە, الماتىنىڭ ٶمٸر سٷرۋ قۇنى يندەكسٸ - 38,7 بالل. استانادا بۇل كٶرسەتكٸش 32,8 بالل بولدى. سونداي-اق, جالداۋ اقىسىن قوسا ەسەپتەگەندەگٸ جالپى ٶمٸر سٷرۋ قۇنى يندەكسٸ بويىنشا دا الماتى الدا تۇر.
ورتالىق ازييا قالالارى اراسىندا الماتى ەڭ قىمبات قالا اتانسا, ەكٸنشٸ ورىندا استانا ورنالاسقان. ودان كەيٸن تاشكەنت, بٸشكەك جەنە دۋشانبە تۇر.
ەلەمدٸك رەيتينگتە بٸرٸنشٸ ورىندى ٶمٸر سٷرۋ قۇنى يندەكسٸ 123,1 بالل بولعان تسيۋريح يەلەندٸ. ال العاشقى بەستٸككە دجوردجتاۋن (كايمان ارالدارى), ليۋتسەرن, بازەل جەنە جەنەۆا قالالارى كٸردٸ. ەڭ تٶمەن ٶمٸر سٷرۋ قۇنى ٷندٸستان قالالارىندا تٸركەلگەن, ال رەيتينگتٸڭ سوڭعى ساتىسىندا كويمباتۋر ورنالاسقان.
