Startaptar, saıttar, mobıldi qosymshalar, ústel oıyndary - jas ınjenerlerdiń oılap tapqan jobalarynyń aıtýly bóligi ǵana. Sonymen qatar zıatkerler matematıka, bıologıa, tilder, tarıh, fızıka salasynda ǵylymı zertteýler júrgizýde .
On ekinshi synyp oqýshysy Temirlan Kýmarov dombyrada úırenýge arnalǵan sandyq platformany ázirledi. Endi smartfon arqyly fortepıanoda, gıtarada ǵana emes, qazaq halqynyń kıeli aspabynda da bilim alýǵa múmkindik týady. Danıal Sultanov kóz aýrýlaryn tanýǵa arnalǵan jańa ML júıesin usynsa, 10-synyp oqýshylary Iasmına Israılova men Dáýlet Kalel qazylar alqasyna ınformatıka, matematıka, bıologıa qıylysynda ázirlengen STEM jobasyn usyndy. Avtomattandyrylǵan ıppoterapıa qurylǵysy atqa minýdi ımıtasıalap tirek-qımyl apparaty aýrýlary bar túrli jastaǵy adamdardyń ońaltýyna úlken septigin tıgizedi.
Ońtústik astananyń jetekshi joǵary oqý oryndarynyń ǵalymdarynan quralǵan bedeldi qazylar alqasy oqýshylardyń ázirlemelerge taldamalyq kózqarasyn, qatysýshylardyń zertteý daǵdylaryn atap ótti.
Ǵylymı jobalar baıqaýy jas ónertapqyshtar úshin ózderiniń ınjenerlik ıdeıalaryn naqty prototıpterge aınaldyrýdyń bastapqy alańy bolyp tabylady.
– NIS oqýshylarynyń óz ázirlemelerinde halyqtyń rýhanı qundylyqtaryna, dástúrlerine júginetini qýantady. "Kókpar" ulttyq oıynyn sıfrlandyrý boıynsha oqýshylar qyzyqty jobany usyndy, onda oıyndardy bir ýaqytta myńdaǵan kórermen tamashalaı alady. Sondaı - aq, oqýshylar "7" sanynyń qasıetti mánin jáne ınstıtýttyń halyq tarıhyndaǵy rólin zerttep, genetıkalyq kodqa taldaý jasaǵan "Jeti ata ınstıtýttyń bıologıalyq dáleldemesii" atty jaqsy joba boldy, – dep atap ótti A.Baıtursynov atyndaǵy Til bilimi ınstıtýtynyń qazylar alqasynyń múshesi Talǵat Ramazanov.
