Qazaqstan Ulttyq qaýipsizdik komıteti "Aqtaý halyqaralyq teńiz saýda porty" aksıonerlik qoǵamynyń basqarma tóraǵasy Abaı Týrikpenbaevtyń ustalǵanyn rastady, dep habarlaıdy Dalanews.kz. 

Bul aqparatty Kýrsıv basylymy málimdedi.

Vedomstvonyń málimetinshe, oǵan qatysty QR Qylmystyq kodeksiniń 361-baby – "Qyzmettik ókilettikti asyra paıdalaný" boıynsha sotqa deıingi tergeý amaldary júrgizilip jatyr. Tergeý múddesine baılanysty ózge aqparat jarıa etilmeıdi.

Abaı Týrikpenbaev 2017 jyldan beri Aqtaý halyqaralyq teńiz saýda portyn basqaryp keledi. Ol 1964 jyly 4 maýsymda Shymkent qalasynda dúnıege kelgen. Qazan hımıa-tehnologıalyq ınstıtýtyn jáne Eýrazıalyq naryq ınstıtýtyn támamdaǵan.

Eske salaıyq, buǵan deıin Qazaqstannyń batysyndaǵy "Aqtaý teńiz saýda porty" ulttyq kompanıasynyń prezıdenti ustalǵany týraly habar taraǵan edi. 

Bul týraly "QazAqparat" óz derekkózine silteme jasap habarlady. Qazirgi ýaqytta port basshysy tergeý ızolátorynda otyr. Basylymda ózge málimetter naqtylanbaǵan.

Porttyń baspasóz qyzmeti bul derekke áli jaýap bermenen.

Resmı saıttaǵy derekterge súıensek, qazirgi prezıdent bul laýazymǵa 2017 jyly taǵaıyndalǵan.

Orda.kz málimetterinshe, áńgime "Aqtaý halyqaralyq teńiz saýda porty" prezıdenti Abaı Túrikpenbaev týraly bolyp otyr. Tergeýdi UQK júrgizip jatyr. 

Aqtaý teńiz saýda porty Kaspıı teńiziniń shyǵys jaǵalaýynda, halyqaralyq kólik dálizderiniń toǵysqan tusynda ornalasqan. Port Iran, Túrkıa, Reseı, Ázerbaıjan elderimen baǵyttalǵan tasymaldy qamtamasyz etedi. Sonymen qatar, Túrikmenstanmen de júk aınalymy bar. Kásiporyn jyl boıy táýlik boıy jumys isteıdi.